نسيم الروح / بقلم / عبيد رياض محمد

نسيم الروح

روح يا نسيم الروح

بلغ سلامى لأغلي الحبايب

قوله في بعده القلب مجروح

شوف ليه كام سنة عني غايب

حرمان عليا في بعده النوم

و ماليش أبدا بعده حبايب

لا أرتاح في ليلة أو يوم

إزاي أرتاح و القلب دايب

روح يا نسيم الروح

بلغ سلامي للي عني غايب

قلبي في هواه مجروح

و هو عندي أغلي الحبايب

عايش كأني طير مدبوح

و سهم الحب في قلبي صايب

روح يا نسيم المحبة روح

و هات لنا أخبار الحبايب

طمن قلبنا المجروح

طمنا ع اللي غايب

عبيد رياض محمد

ليه / بقلم / مجدي فرحات

ليه

فيك ناس يا زمن نكروا المعروف

وللخيانه مثل سكه للغدر والخوف

وناس عايشه محن بالحب بتطوف

ياما عذابك امتحن عمر للود معروف

ليه بس يا زمن الحب فيك محذوف

الأصول ملهاش تمن والجرح موصوف

الغدر والنفاق فيك يا زمن بقي مألوف

خوفي بكره يا زمن الزيف والغش يفوز

والروح يسكنها الالم من كتر مبتشوف

ليه

مجدي فرحات

البنت البريئة / بقلم / رجب عبد النعيم البصيلى

من كلماتى #رجب عبد النعيم البصيلى

البنت البريئة

وقالتلى تعالى يا خى

دا انت النور والضى

قولتلها واوعى تقولى يا خى

###################

دا انا اللى قلبى مالك وحن ليكى ومالك

ولا عمره فى يوم مالك

دا كان ميت وغلى ايديكى اصبح حى

####################

شوفوا من جرائتها شوفوا من برائتها

مسكت ايديا خدتها وعلى خدها حططها

وكانه عطشان وعايز الرى

#####################

اه واه واه واه

واه من نظرتها بصت لعيونى دوبتها

وفى بحورها خدتها وبين رموشها نومتها

دى فى قلبى قايده بصتها لاتتطفيها هوا ولا مى

######################

وقفت على عتبتها وشاورتلى على بيتها

وعرفت نيتها انى انا حبيتها

واصبحت حبيب مش خى

#######################

ومن فرحتها ولهفتها وقع شالها وطرحتها

قلبى شالها وبايديا لفتها

وقالتلها انا بكره عنديكم راح اشرب شى

########################

من كلماتى رجب عبد النعيم حماد البصيلى

9/5/2015

قناعة مافوق الخمسين / بقلم / حربي علي

 قناعة مافوق الخمسين

التعليم

هو :

( العلمانية )

والتربية

هي :

( الإسلام )

المساواة

بين :

( المرأة )

والرجل

هو :

صراع

على حكم

( الفرد )

لا الجماعة

الأفكار

المبنية

علي :

تعليم

بدون

( دين )

هي :

أفكار

( جاهلة )

بتعليم

حربي علي

شاعرالسويس

اربط على الجرح / بقلم / مجدي فرحات

 اربط على الجرح وقاوم

وعلي الهمه وقول الكلمه

ارتاحي ياامه النصر قادم

درب الشهدا عنوانه العزه

وغزه العزه اكيد له قاسم

أهل الخسه بعنيهم حسره

في غزه العزه قبر الظالم

اربط على الجرح وقاوم

كلمات

مجدي فرحات

إطمن / بقلم / مجدي فرحات

 إطمن

اطمن ومتشلش همي

انسا قربي وانسا ودي

انسا قلبي و انسا حبي

دا مصدقت بعدت عني

طول عمري معاك ظالمني

وللحيره والعذاب سايبني

هوانت فاكر غدرك جارحني

ولا انت فاكر هجرك شاغلني

اطمن متشلش همي

وبيك تاني متفكرني

نصيحتي لك وعلمي

بلاش تفضل مستني

((( إطمن )))

خرااااابيش

مجدي فرحات

في ناس / بقلم / محمد أبو النوم

 في ناس تتجاهلك لو عنها غبت

حتي لو كان غصب عنك الغياب

ولو شافتك بتتكلم أو بتهزر مع غيرها

بتبقي ليلة سودة من عتاب لعتاب

في ناس بتتجاهلك علشان بتحبك

فبتغير لجل شويه مشاعر وسراب

خيال بيمتلكهم إنك بتحبهم

لو ل فترة اتكلمت معاهم وانساب

بينكم الحديث والضحك والهزار

دا مجرد إعجاب

لل مكتوب أو للشخصية نفسها

و أوقات كتير بتبقي بدون أسباب

راحة نفسيه مثلاً

لكن حب لا دا إحساس كداب

حب الفيس بيبقي إعجاب

لطريقة الكلام والرد

بنعجب بالشخصية نفسها

مش لازم يكون دا حب

الحب ملوش في الغيرة حد

بيبقي مالك كل شئ كل القلب

محمد أبو النوم

كلمة حق / بقلم / خيرى حسنى

 قصيدة بعنوان

(كلمة حق؟؟؟؟!)

كلمة حق.

في غيابها

تنقال......

ببساطة وأبسط

حروف......

وبمعاني سلسه

وبسيطة

وأعطيك ميثال

إنها تكون جميلة.

ليها حسن.

يدوب السكر في

إيديها يطرح عسل

يغيب العقل لوشافها

عقلها يوزن بلد

عندها صبر وجلد

أمنيتك إنك تكون

بحضنها

وكل النساء زيها

قلبك يرتاح في

ضمها

الحنان إتخلق بس

لمثلها....

تشرب من إيديها

السلسبيل.

في الحب قلبك

يميل.....

تحبها بمليون

دليل.......

النظرة في عينيها

تنسى وجودك

في المكان.

تحس إنه فيه

أمان.....

وفيه ود

وفيه عطف

وفيه حنان

تعشق تكون

طفلها المدلل

لما تناديك

تجري بسرعه

تروح عليها.

تسلم كإنك ملك

ليها.......

تنسى همومك

ياأخي لو في قلبك

ضغينه.

تخلف ظنونك

تمحي الكره

والحقد من

جذورك.

لامش بدينه.

ولا سلاية نقش

للسنان.

نعم هي غصن

بان..

وردة تفوح

شذاها عطر.

يملأ أجواء المكان

عيونها خضر

جايز زرق

جايز سودة

كحيلة جايز

قول زي ماإنت

عايز مش هاتفرق.

عيونها فيها

حور.

تقلب كيان.

الصغير والشباب

والعجايز.

كلمة الحق

تنقال.......

متقدرش تشتريها

بأي مال

هي كنز

وجوهرة درة

مكنونة

بدون فصال

ولابجدال

تخدك معاها

في الخيال

هي مش خارقة

لعادة أو محال

هي كل الدلال

هي السلامة

الطيبة والاحترام

بدون خصام

هي الإحتمال

هي أحلى

من الغزال....

هي مين تقدر

تقول لي

لا مش هي

إمي ولا هي

أختي ولا بارضو

زوجتي ولا حتى

بنتي.......

هي أكتر من كله

دول......

هي حالة نادرة

إستحالة ليك

إنك تلمس حتى

توبها أو وصول

هي لو كان

متعكنن مزاجك

أو الدنيا كلها

واقفة في

وشك سد منيع

فجأة ينهار

ويزول

هي مش عزول

ولا خزول.

إستحالة إنها

تخزلك.

لسانها بينقط

عسل.....

هي ملاك نازله

من السما

لا عايشه

في دمنا

طبيعية

عايشه بأرضنا

هي مين

هاأقول لك

هي مين.

الأمر مش محتاج

فازورة

أو تخمين

أمك لما تكون

حزين.

أختك لما تدعي

ليك وتقول

أمين.

بنتك وقرة عينيك

لما تطل في وجهها

تضحك لك

تنسى نفسك

وزوجتك وعشرة

عمرك طول السنين

لو فيه حب

وعشق واحترام

وفي قلبها

حبة حنين......

تتمنى ترجع

برحمها جنين

بالك يروق

والعطف فيها

طبع وقلبها

يضخ حب

ليك وعشق

وهيام تعيش

معاها بسلام

يطول عمرك

معها بمودة

ووئام.....

أنس وسكن

وأونس وهناء

وصفاء

وتكون في شدتك

سند ومعين

تشوفك بألف

عين.......

عرفت تبقى

مين...؟؟؟)

19/4/2023

(ترنيمات وخواطر بقلم..........)

(شاعر العاميه /خيرى حسنى)

المهم إحساسك / بقلم / حربي علي

المهم إحساسك

سيبك من الشعر

وكتابة الشعرا

لا تقلد الفكرة

ولا تكتبها للذكرى

قلبك دا لو ريشة

ح يحب من بكره

المهم إحساسك

صادق مع ناسك

أكتب ولو راسك

وحيدة في الصحرى

إكتب ولا يريبك

نقد؟ مايعيبك

وشيل بجلاليبك

صورة السمرة

قووول ماتخافشي

إهتف ماتوقفشي

بس ماتسيبشي

كل دا وتمشي

وكلمتك خضرة

وزرعتك خضرة

حربي علي

شاعرالسويس

الرجولة / بقلم / مجدي فرحات

الرجولة

فيه صنف من الرجال

ميوصفهوش اي كلام

في الحق صال وجال

للحب عنوان و سلام

مهما الزمن لف و دار

عمره لا ميل ولا مال

الرجولة علم و أسرار

نخوة عزة روح أبطال

الأصيل عند الجد بيبان

ميزانه دهب موش مال

سند عمره ما كان جبان

ولهم الغير حمال شيال

وفيه صنف من الرجال

لا تعرفه ندل و لا جبان

بكل خطوة للغدر مثال

سكة للدموع والأحزان

الحرام عمال على بطال

بعيب الناس شغال زنان

خسيس ميعرفش حلال

لا له صاحب و لا عنوان

الرجولة علامه و أصاله

في كل آوان وكل زمان

الرجوله طبع مش حاله

لغدر الأيام حضن وأمان

الرجولة

كلمات

مجدي فرحات

حب علماني / بقلم / حربي علي

حب علماني

سيبيني

في:

همي وكتاباتي

يمكن

أكفر عن حياتي

يمكن

آخد ثواب ينفعني

قبل العذاب

إعملي

حاجه

حلوة في حياتك

قبل التراب

ياتسيبيني

أنا وقلمي لديني

يحررني

من: كل لاديني

إنت

عايزة حب وغرام

في:

عصر مليان بالحرام

حب

علماني مفيش كلام

وكام

حضن في ليل ضلام

وأنا

ما إتعلمتش ده العلام

يبقى

إزاي هشيلك

في: عيني؟

سيبيني

حربي علي

شاعرالسويس

رمضان خلاص / بقلم / السيد علي القن

رمضان خلاص لم أوراقه

رمضان خلاص لم أوراقه

و الشهر ودع أصحابه

والشهر واقف علي بابه

و العيد بيفتح في دراعه

يافرحة الناس بقدومه

و الفرحه زايدة ب هلاله

الله ع اللي صلي وصام

كل الفروض في صيامه

ختم الكتاب ف الشهر

وقام الإله كده في صلاته

رمضان خلاص لم اوراقه

و الشهر ودع أحبابه

ياهنا اللي طلع له زكاته

عن أهل بيته و عياله

زيارة المريض ود و رحمات

و الأجره يلقاه في نفحاته

رمضان خلاص لم اوراقه

و الشهر قفل صفحاته

يا مؤمنين بالله صلوا

علي النبي محلا صفاته

زي القمر في تمام نوره

بدر التمام محلا جماله

يا رب توعدني أزوره

وادعي وأصلي في الروضه

وتكون لي دعوه مقبوله

و أنول شفاعته و جواره

يا بخت كل من زاره

و مسح جبينه ب شباكه

يا مؤمنين بالله صلوا

علي النبي محلا صلاته

كلمات الاديب الشاعر.د/ السيد علي القن