بطل تحب
بنات الناس.
عاملي.
روميو ياود
عمي.
راحت النخوة
راح الاحساس
دأنا هاشتكي
لاولاد عمي.
أرجع..
لبيتك وحياتك
دول..
همو سندك
وحياتك
عمال .
تضيع ف حياتك
انا هاشتكيك
لاولاد عمي.
الأرض ..
بعدك عطشانه
والفاس..
ف إيدك عطلانه
والزرع..
ل اخضر بقي
اصفر.
مستني...
إيدك ريانه.
انا هاشتكيك
لاولاد عمي
ملعون...
ابوك يافيس
ويا بوك.
عمال بتضحك
كده وتلوك
وانا قاعده
جامبك زي
اللوك..
لافهمه..
فيس ولاعندي
إيميلوك.
انا هاشتكيك
لاولاد عمي.
الواد.
محمد بقي
طوالك.
والبت زينب
جالها عريس
والدنيا ..
ماشيةمابتهداش
وانت صباحك
صباحك زي
مساك.
وانا قاعده
صابرة وبستناك
انا هاشتكيك
لاولاد عمي.
نعمه السواح
و تشتكي لولاد عمي ليه
مانت السبب في الي أنا ليه
كتير بقولك و فهمتك
بتبعدي عني ليه
أنا قولت لك ياما قوالة
و عملت لك مليون حالة
و أنت لسه شغالة
وعايزة تشتكي لولاد عمي
شغل البيت دايما هادك
و أنا لا في بالك ولا هامك
شوفي الحريم اللي في سنك
زي القمر عاملين إزاي ؟
القعدة ع الفيس بتريحني
تشيل عني همي و تفرحني
لكن أنت كلامك بيجرحني
و عايزة تشتكي لولاد عمي
محمد أخد البكالورية
خلص دراسة السنة دية
و زينب عاملها جمعية
علشان نتمم جوازتها
وعايزة تشتكي لولاد عمي
عبيد رياض محمد
ليست هناك تعليقات:
إرسال تعليق