شكرا أنا بقولك شكرا .. لازم أقولك شكرا .. علي انك بقيتي في حياتي .. لعبتي دورك وأنا مطمن معاكي .. فجأة مبقتيش في حياتي .. فضلت أنده واهاتي .. انك تسمعي صوتي مسمعتيش .. فشكرا .. وفضلت عايش ع الذكريات .. علي اللي بينا واللي فات .. بتغيبي عني بالشهور وأنا مستنيكي .. اه مش معاكي لكن روحي كانت كل يوم بتناديكي .. ووقت ما تحتاجيني تاني ترجعي .. وقت ما تحسي قيمتي تاني ترجعي .. افتكرتك راجعة تفرحيني .. أتاريكي راجعة توجعي .. توجعي القلب اللي حبك .. توجعي القلب اللي ضمك .. وترجعي تاني ترحلي .. فشكرا .. عارفة أنا ايه اللي تاعبني .. مش قلبي اللي اتوجع .. مش أيامي اللي ضاعت ومبقاش ليها مرتجع .. أنا اللي واجعني .. إني جدع وحبيتك .. فشكرا .. شكرا ليكي علي طيبة قلبي .. شكرا ليكي علي تقديرك لحبي .. شكرا علي حبك ليا .. اللي في الأخر طلع مش حب .. طلع تمثيلية .. فشكرا .. برغم كل اللي عملتيه .. أنا كنت واثق فيكي .. وعندي يقين انك هترجعي .. وفعلا رجعتي تاني .. يومها أنا مكنتش مصدق نفسي .. رجعت حنيت .. وفتحت حضني تاني .. ضميتك ونسيت اللي فات .. ومحيت وجعي اللي اتوجع .. ورجعت أفتكر تاني إني جدع وحبيتك .. فشكرا .. وعدتيني انك تاني مش هتسبيني وصدقتك .. وأنا وعدتك اني هكون سندك ضهرك حمايتك .. ورجعتي تاني تغيبي وتخدعي .. ده انا صدقت .. ليه ترجعي تاني توجعي .. فشكرا .. انا عايز اعرف انا كنت ايه في حياتك .. انا محصلتش كومبارس في حكاياتك .. سطر في رواياتك .. هتقولي بطلك انتي خلتيني بطل قش هش بوظتي حياته وبقي مينفعش .. سبتيني ليه ورجعتي ليه .. رجعتيلي ليه الأمل في حبك وعشمتيني بيكي .. شغلتي قلبي وسهرتيني لياليكي .. رجعتيلي أمل حبك بعد مافقدته أنا اللي في حبك طار في السما ونزل علي جدور رقبته .. فشكرا .. ياما حذرتك وخيرتك انتي بتحبيني .. قولتيلي أه .. ده انت ليا معني الحياة .. انت الوحيد اللي بحس الأمان معاه .. وانت وانت وانت .. كفاية بقي مررتي طعم الآاااااه .. فشكرا .. تعرفي انتي كنتي ليا نفسي .. أغلي من نفسي ..كنتي ليا نفسى اللي بتنفسه .. وفي النهاية كسرتي بنفسي .. أنا مش ندمان ولا زعلان علي احساسي معاكي .. واني يوم عرفتك واني يوم هويتك .. واني خليت حضني بيتك .. لكن أنا زعلان عليكي .. في النهاية وبرغم اللي كان .. انتي نفس دخل جوايا وخرج ولا كأنه كان .. فاطمني .. وبرغم قلقي وخوفي عليكي .. بكتبلك رسالة بدمي .. أنا مش هقبل تاني إني أكون لعبة في إيديكي .. وخلي بالك علي نفسك من بعدي .. أنا كنت صادق معاكي وانتي اللي مفهمتيش وعدي .. فشكرا
ليست هناك تعليقات:
إرسال تعليق