انا مش هخون!!
بس ف يوم
هدفعك تمن
الخيانة.
قهر وندم
ذل وظنون...
مش هخون!!
وه امسحك...
أنا من حياتي.
من ذكرياتي.
وهعيش ليلاتي.
وه غني ..
للي حظه مال
غنوة شجون.
انا مش هخون!!
ولا هجرحك..
ولا ه قطع ..
الشعره اللي ممكن
تدبحك.
وهفتكر
إنك ..
ف يوم كنت
الحبيب.
وكنت نور
جوه العيون.
كان نفسي اخون!!
وأشربك..
من نفس كاسك.
صبر ومرار..
واكسرك...
في وسط ناسك
وأوصلك للإنتحار
بس الخيانة دي
طبع..
وأنا طبعي
أصون..
نعمه السواح
ليست هناك تعليقات:
إرسال تعليق