(أنا أسمع)
عن الحب لكنى
مجربتوش.
وأكيد إنتى
مجربتيش.
كان نفسى
أوعدك أنتظرك
تتأخرى.
أسألك ليه
فى نفس
الميعاد
ماجيتيش.
أرن بتليفونى
عليك أقلق
أرن تانى
وتالت فتتقلى
ومتروديش.
أتحرق من
ظلمك وأعض
صوابعى ندم
وأتوب أرجع
أعيد الكره
وأعيد ذنبى
وأكرره ودا
لأنى النهارده
طول اليوم
ما بشفقيش.
خلاص ماأنا
تعودت
على ظلمك
وقهرك ودموع
قلبى إل بتبكى
وأتعجب على
قلبك الجامد
القاسى إل
ما بيبكيش.
أنا أسمع
عن الحب.
لكنى مجربتوش.
أسمع بيقولو
القلب لما
تتأخر حبيبته
عليه بيبقى
مش على بعضه
حيران ومتاخد
ومتأثر وشايط
من الغيظ
ودقاته رايحه
جايه بتتنفض
ولأنه فيه حاجه
نقصاه وأجي
أسأله يقولى
مفيش.
أكتب من الشعر
فيك أبيات
أقراها مره
والتانيه أحرقها
أحس فيها
شئ ناقص
أو عاجز القلم
يكتبه لأنه
ما وصفقيش.
تحبينى أحبك
وأعشقك
مش كل
حاجه نكد
وهم وأكتر
كلامنا الدنيا
صعبه وأزاى
فيها نتحمل
وإزاى نقدر
نعيش.
أشتاقلك.
فتوحيشنى
أتأخر عليكى
تنتظرينى.
أشوفك أحضنك
فتحضنينى بلهفه
ومتنكسفيش.
معقول فيه
الكلامده وأل
أسمه حب
ولا كلام على
ورق وقصص
سمعته فحفظته
أنا وصدقته
وأكيد إنتى
بس إل.
ماسمعتيش.
3/8/2019
ترنيمات وخواطر....... بقلم.......)
خيرى حسنى..............................)
ليست هناك تعليقات:
إرسال تعليق