قصيدة بعنوان
(مش باين؟؟؟؟)
مش باين.
للحلم له نهاية
ولا طاقة نور.
في الأيام له دور
ولاباين للفجر إنه
هيطلع وببات في
ليلي وكلي كسور.
كسرة من ذلة النفس
وهمومي وكسرة
ضهري والعلة
وكسرة من ديون
متراكمة
على راسي
وكسرة من أمر
بقرار مأمور
وأصبحت.......
الشهقة بحساب
والنفس ال بنتنفسه
بحساب
والضحكة بحساب
والخطوه ال بنخطيها
بحساب والنومة بحساب
والباب يدوب متوارب
على الأعتاب
وشبابيك مقفولة معتمة
من الضلمة خايفة
إنها تفتح عشان تدخل
الشمس فتشيل
حبة من همومنا
لتتكسر من الأغراب
بنغلي وبنفور
على كنكة زي
النار بابور
ننطحن كالحب
وننعجن ونتلوي
لوية الممغوص
والموجوع بوجع
البطن ومش معذور
لا تلاقي حد بياخد
بإيدك ولا يهديك
من الخنقة
كإن معمول ليك
سحر من السحرة
ومسحور
تاكل بعضك في بعضيك
وتشد بشعرك من القهرة
وتتندم على اللي فاتك
وإيه يفيد الندم
بعد ما يكون فاتك
القطر في محطاته
وعديت بحور
وعقلي ببات جوا في
راسي هينشل من
التفكير كل ما أقول
أهي هانت
وأتحمل لصع النحل
عشان عسلة
يطلع لي في الحلم
بدل نحل مليون
دبور..........
ويفضحني من مستور.
وألاقي نفسي بين
العجزة لا أنا شايف
نفسي من ليلي
في الضلمه ولا من
نور والباقي ال كان
بيطرح في كام ضحكة
كل ما أشوفه متنكد
ورابط راسه معصبها
بخرقة من قماش
سوده قطران
ومكشر كأن قيامته
قد قامت أو علاماتها
في ظهور.
وأنا من الآخر
وال أنا شايفه بأم عينيه
عيشنا وهانموت
لا حاسينا ان كان لينا
وجود في دنيتكم
باستثناء اسم
في هويه ممحيه.
بمحاية وكأن أصبح
دمنا مغدور.
مش باين للحلم
له نهايه ولا طاقه
نور............
بيجي علينا
اليوم بنكون إتفجرنا
من إمبارح وال كان فيه
من قرفه وإحنا لا حول
لينا ولا قوه إلا بالله
ونهايتك حامد ربك
وشكره وراضي
بالمكتوب وإنت
ياريت مشكور
17/2/2023
(ترنيمات وخواطر. بقلم...........)
(شاعر العاميه/خيرى حسنى...)
