رسايل مخفيه
============
الرسالة الثانية والعشرون
===•===•===•===•
محبوبتي
بعد السلام
والاحترام
وحب ليكي في قلبي عايش
مهما تقول الناس حرام
بعد الكلام
إحساسي رابطو كتير لجام
وإن قالو أكيد طايش
هاعيش علي عهدي ألفين عام
🌹وحشتيني🌹
ماانا مانستش ولا هنسا غرامي حتي لحروفك
قوليلي إزاي أنا أنسا
ومحكوم إني ماهشوفك
قوليلي ازاي أنا أنسا
وروحي سايبها في كفوفك
ولو قلبك عرف يقسي
مقدر قلبي أنا ظروفك
🌹وحشتيني🌹
يا أغلي حد عاش فيا
وهيعيش فيا بردو سنين
يا قصه حب منهيه
لكن فيا ليوم الدين
هتبقي حته من قلبي
اللي بتصبرني ع الوحده
هتبقي سري يا حبي
وحلم ماتعرفو واحده
عشان الحلم كان بيكي
وكان بنا ظروف جاحدة
بيوصفها الحنين ليكي
وسر ماتعرفو واحده
🌹وحشتيني🌹
❤️أنا مسامح❤️
ولا عمري ولا هقبل
أكون مره في يوم جارح
❤️أنا مسامح❤️
عشان بيكي هعيش بكره
لكني ماعشتيش إمبارح
ودا قدري اللي مكتوبلي
ولا عارف لفين رايح
لكن والله يا عمري
وعهد الله انا مسامح
يا ست الحسن يا غاليه
يا نسخه احلي من ليلي
كتبت حروفي انا ليكي
لكن إيدي ولا طايله
ويا ليلي
دموع العين كتير سايله
أنا بضحك قصاد الناس
لكن مجنون عشان ليلي
وكل الناس ولا فاهمه
بإن العشق دا مكتوب
لكنك لسه مش فاهمه
بإن العمر دا محسوب
🍂وانا مغلوب🍂
علي أمري وعلي روحي
وغربه ساجنه في طموحي
يا حلم العمر ليه تروحي
وقولتي الحب كله ذنوب
🍂ماانا مغلوب 🍂
قليل الحيله من بعدك
ماليش انا حد من بعدك
ماانا محافظ علي وعدك
وحقي فيكي ليه منهوب
🍂ماانا المغلوب🍂
وانا اللي قلبه بيسامح
ولو انتي اللي بعتيني
ورغم ان الكلام جارح
لكن بردو وحشتيني
🌹وحشتيني🌹
===•===•===•===•
احمد طلبه
ليست هناك تعليقات:
إرسال تعليق