( نور عيوني )
مهما تحاولي تبعديني
عنك حتي ولو ثواني
مستحيل يا نور عيوني
حبك أنتي شكل تاني
أنتي جوا العين والنني
أنتي الحب وكل الأماني
بكلمة منك أنسي همومي
وبسحر عيونك مجنناني
نفسي أضمك جوا حضني
وأرويكي من كاس حناني
ومهما طال بينا البعاد
مش هنساكي ولو ثواني
دا المحبه في قلبي ليكي
تدوم ولو قلبك جفاني
يا بدر بينور طريقي
يا نسمه صيف تهز كياني
لو جمعت الشعر فيكي
هتكوني أنتي المعاني
مستحيل أبعد يوم عنك
مش هسيبك لحد تاني
لحظات بضعف وأقول هفارق
وأحن لعيونك وأعشقك تاني
ولو في يوم خيروني
مش هبعد عنك ولو ثواني
☆☆☆☆☆☆☆☆☆☆
☆☆☆☆☆☆☆
بقلم / مبروك علوه
ليست هناك تعليقات:
إرسال تعليق