((( تصدقي )))
_________________________
تصدقي انا كنت نسيت الجراح
ومصدقت قلبي م الاوجاع ارتاح
و إبتديت ادور ع طريق الافراح
سهران لياليا وبالي وفكري مرتاح
لحد ما قابلتك تاني وبديت اعاني
رجعت الجراح تدق بابي من تاني
والذكريات صحت دمعي وعذابي
والآهات بصدري ع الانين بتنادي
بعد هجرك وغدرك بعد كل صدك
بعد ما خنتي كل عهودك ووعدك
راجعه تاني عايزه مني اسامحك
والعمر اللي ضاع دا مكنش همك
طب ازاي وانا ياما كنت باحايلك
واتمني يوم ابقي بعنيك حد غالي
م حنانه سقاك وبوده كان صاينك
خنت صفا ايامه وطلعت ف العالي
رفضت دفا حضنه وغرامه ووصله
بعد ما كان امانك اصيرت ع هجره
وانت ليه الدنيا وانت فرحته وأمله
بغدرك كافئتيه وده كان جزاء صبره
عليك وع لياليك و جراحك شاهده
عندك قلب تقابليه و قلوعك فارده
بعد ندمك عرفتيه دا روحك شارده
وراجعه بدموعك والود تاني راجيه
فاكره دموعي شجوني ولا ناسيه
لهجر اخترتيه جراحه كانت داميه
دا طريقك راضيه بيه وفيه ماشيه
اما قلبي انسيه جراحك ليه قاسيه
___________________________
((( تصدقي )))
كلمات
مجدي فرحات
ليست هناك تعليقات:
إرسال تعليق