قصيده بعنوان
(بطلت أكتب. )
عن الحب شعر
وألعن إل
إنكتب فيه.
مهو صعب
فى الحب كل
حاجه تلاقيه.
يا تعشقه ويهجرك.
تحبه ويغدرك.
يا تشوف منه
الأمرين فتموت
بعديه.
بتعجب على
إل حب وبيقول
أنا حبيت.
هو إيه الحب
تقدر تقول لى
إلا إنك تنكسر
قدام حبيبك
عشان ترضيه.
وهوه يتدلل عليك
يتبغدد عليك
يتمنعك عليك
تكون شايفه
بعينيك ومش
شايفه فتدور
عليه.
بطلت أكتب
عن الحب شعر
وألعن إل إنكتب
فيه.
فيه عشاق كتير
سهرو الليالى.
يكتبو فى أشعار
يا إما إتجننو
وإتبهدلت أحوالهم
يا مخسوفه آمالهم
يا يحصدو بلاويه
كان فى يوم
ليهم كرامه إتبعترت
بعد كدا
إيه إل خدوه إيه.
يا آهات ووجع
وحزن وفزع
يا كوابيس فى
نومهم ويلعنو
نفسهم لأنهم هما
إل بدأوه
تحبه وتعشقه
وتدوق عذابه
وعشان خاطره
تشيل على راسك
ترابه يبيعك
بأبخس تمن
وأنت بغبائك
مصمم تشتريه.
بطلت أكتب
عن الحب شعر.
وألعن إل إنكتب.
فيه؟!!!
19/4/2019
ترنيمات وخواطر........بقلم.......)
خيرى حسنى.............................)
ليست هناك تعليقات:
إرسال تعليق