آه من الحريم / بقلم الشاعر / عبيد رياض محمد

آه من الحريم

آه من الحريم

و طبع الحريم

من كل واحدة

طبعها لئيم

لو واحدة تحبك

و تخاف علي قلبك

راح تفضل جنبك

علي الهنا و الآه

آه من الحريم

و طبع الحريم

من كل واحدة

طبعها لئيم

آه و آه من

بنات حواء

يتنفسوا غيرة

زي الهواء

لو كرهت عيشتك

هتطين عيشتك

هتخليك دايما 

تقول الآه

آه من الحريم

و طبع الحريم

من كل واحدة

طبعها لئيم

لو حبت روحك

هتداوي جروحك

هتخليك عايش

و هتنسي الآه

آه من الحريم

و طبع الحريم

من كل واحدة

طبعها لئيم

لو كرهت روحك

هتطلع روحك

و هتفضل دايما

بتقول الآه

آه من الحريم

و طبع الحريم

من كل واحدة

طبعها لئيم

بقلمي /

عبيد رياض محمد

31/10/2019

جوايا شعور / بقلم الشاعره / امال مصطفى الشامى

جوايا شعور غريب اوى 

شبه السما وقت الغروب وهى بتغيم 

جوايا فرحه بتختفى 

شبه الشموع بتنطفى وبتضلم 

جوايا شئ شبه  المكسور 

زى ورده قطفوها من الجدور 

وبتدبل كل يوم حبه

على وشى ضحكه نفسى احس بطعمها

ووراها الحزن بيستخبه

جوايا فرحه بتتولد

وبعد شويه بتتعدم

جوايا حلم بيتبنى بطوب دايب

وبعد شويه بيتهدم 

على ملامحى كل شىء جوايا ظاهر

الا السعاده دى اللى بس بتترسم 

على شفايفى ضحكه الزايفه 

وفى عيونى دمعه بتبتسم

جوايا زى البحر صافى

يطفو الوجع على وشه ديما ويعكر

جوايا الم زى الموج بيروح ويجى  

جوايا جرح كل يوم بيتكرر 

جوايا حاجات حلوه اوى

المر ديما يجى عليها وينكفى

جوايا امال للاوان مستنظره 

شبه الفوانيس المنوره

اللى فى اول يوم العيد بتنطفى 

بقلمى / امال مصطفى الشامى 

ظن / بقلم الشاعر / عبيد رياض محمد

ظن

ظن إني أحبها

و هي تهواني

لكني لا أحبها

فحبي لشخص ثاني

ظلما هجر قلبها

تركها وحيدة تعاني

فهي لا ذنب لها

لكنه رجل أناني

لم أطلب يوما ودها

و هي لم تطلب حناني

فسوء  الظن أضناها

قلبها من هجره يعاني

فكيف القلب يهواها

وهي لم تراني

ما كنت نجما في سماها

و ما كانت أرض أوطاني

بقلمي/

عبيد رياض محمد

26/10/2019

يا فاتنتي / بقلم الشاعر / عبيد رياض محمد

يا فاتنتي

يا فاتنتي و يا

فاتنة كل العيون

يا ملهمتي  و 

أكثرهم لا يعلمون

يا من بحبك

القلب مفتون

أسير حبك أنا ففي

القلب حبك مكنون

يا من أراها حتي

و إن غفت العيون

أراها بعين قلبي

فحبها لا يقبل الظنون

بقلمي/

عبيد رياض محمد

20/10/2019

الحلقه العاشره من مأساه امراه جزء (2) بقلم امال مصطفى الشامى

الحلقه العاشره جزء (2) بقلم امال مصطفى الشامى
من قصه مأساه امراه ( عيد ميلادى ) 
***************************
استمرت امل فى البحث عن شرف على موقع الانترنت تخيلا منها انها ستجده خلف اى صفحه باسم ( شرف عز الدين ) بل ظلت تبحث فى موقع شركته حتى اصبح اسم شرف على لسانى كل العالمين بالشركه  مما جعل الجميع يتساءل من هو شرف عز الدين التى تبحث عنه تلك الفتاه المجهوله ؟ وهنا تقول امل :اذدادت حولى التساؤلات وكان الجميع يرغب فى معرفت لغز قصتى . وفى ذات يوم تفاجئت برساله من شخص منهم قائلا : انا اسمى نادر بشتغل فى شركه (GM) وسؤالك عن اسم شرف عز الدين وغموضك وحزنك بيثير فضولى انى اعرف انتى مين ومين الشخص اللى انتى بتدورى عليه . انا بجد عايز اعرف حكايتك وتاكدى انى هساعدك. رديت عليه بحزن وبكل تلقائيه : انا فتاه مجهوله بلا اسم وبلا سن وبلا عنوان . صمت الشخص قليلا ثم قال : ردك بيدل على قمة اليأس وفقدان الامل .فقلت بداخلى ولكنى للاسف امل . اكمل الشخص حديثه قائلا :  ارجو منك منحى فرصه بمساعدتك من انتى ايها الفتاه المجهوله ومن هو شرف التى تبحثى عنه ؟ قلت له : انا ضحيه لقصة حب ضمرتنى قال ومن شرف ؟ ابتسمت وقلت : شرف هو حب عمرى هو الانسان اللى فتح ليا الباب للحياه وخطى بيا اول خطوه جوه عالم البشر .ثم سالت الدموع واكلمت حديثى قائله : هو اللى عرفنى على الدنيا وعرفنى معناها شوفت معاه السعاده بكل الوانها وعرفنى الحب بكل معانيه . شرف عز الدين هو بيت امان عشت فيه سنه وفجاه اتهد واصبح تراب ماليش مكان تانى . عرفت ليه بلا عنوان ؟ كان هو ده عنوانى. رد الشخص بكل حزن وقال : لا اله الا الله طب انتى عندك كام سنه . قلتله : عمرى سنه من ساعت ما شوفته لحد مامشى هو ده عمرى اللى عشتو بجد .باقى السنين مش محسوبه مجرد ورقه شهاده ميلاد والله العظيم ما ليها لزمه. قالى : وحدى الله انتى كلامك يوجع الحجر بس مين شرف اللى وجعك بالشكل ده . قلتله خطيبى اللى دلوقتى بعتبره جوزى بس من غيره دبله .سكت شويه وقالى : انا مشفتش حد بيحب حد كده . قلتله : انا حبيتو كده ومكنتش فاكره انى هتوجع عشانو كده .قالى : ده انتى وجعتى قلبى انا حرام عليكى نفسك قوليلى اساعدك ازاى انا مستعد اعمل اى حاجه عشان اريح قلبك الموجوع ده انتى زى اختى وصعبانه عليا بجد وهنفز اللى انتى عيزاه . قلتله شرف شغال معاكم فى الشركه . قالى : بس احنا الشركه بتاعتنا فيها (100 شرف عز الدين) هو قسم ايه طيب ؟ قلتله مش عرفه توقفت يدى عن كتابه الكيبورد وبدات اسرح بتفكيرى لمشهد قديم مع شرف حين قال لى شرف : معلش يا امل مش عارف ارد على الموبيل وانا فى الشغل لانى بحط الموبيل بتاعى بره القسم عشان احنا فى قسم دهان وممكن الموبيل يولع . وفجاه تبهت لنفسى وكتبت للشخص قائله : شرف فى قسم الدهان .قالى : انا اعرف واحد فعلا فى قسم الدهان اسمه شرف  قلتله بجد قالى ايوه لكن شرف عزب مش عز الدين وتقريبا مافيش فى القسم غيره . قلتله يمكن هو بس انت غلطان فى الاسم . قالى انا متاكد انه شرف عزب هو الوحيد فى القسم بس لما اروح الشركه هسال واقولك . قلتله انت هتروح بكره .قالى انا واخد اجازه عشان ايدى مكسوره وهنزل الشغل الاسبوع الجاى .كنت انتظر الاسبوع الجاى فى لهفه وخوف .نعم خوف من ان يكون هذا الشخص لم يكن حبيبى المقصود .ولهفه من انتظارى لخبر انه يكون هو بالفعل .ولكن كان خوفى اكبر من ان ينقطع هذا الخيط الرفيع الذى كاد ان يوصلنى بحبيبى الغائب.مر الاسبوع وجاء الاسبوع الذى يليه وكنت فى انتظار رساله من هذا الشخص يخبرنى فيها انه وصل لشرف .فى ظل هذه الفتره كان ياتينى عدد من طلبات الصداقه منهم( الورده البيضاء)وغيرها من الطلبات التى كنت ارفضهم جميعا وبعد مرور يوم من الاسبوع الجديد تفاجئت برساله من هذا الشخص يقول فيها( بصى انا سألت عن اسم شرف لقيت ثلاثه شرف فى قسم الدهان .لكن مش قادر اعرف مين فيهم ( شرف عز الدين) لان محدش من الموجودين يعرف اسمائهم الثلاثيه .ثم طلب منى ان اصف له شكل شرف المقصود حتى يستطيع الوصول اليه . وقبل ان اصف له وجدته يقول : انا شوفت واحد فيهم من بعيد طويل شويه واسمرانى . من شدة لهفتى لقيت نفسى بقولو ايوه هو ده . قالى : متستعجليش لحسن يطلع مش هو . بس لو طلع هو ايه المطلوب منى وانا اعمله .تحبى اقولو ايه؟ مكنتش قدره اصدق ان المسافه بينى وبين شرف ممكن تكون قربت اوى كده لدرجه ان مطلوب منى اقولو كل اللى فى نفسى . كنت عاجزه قدام هذا الطلب اقولو ايه ولا ايه ولا ايه ؟ اقولو ليه سبتنى ؟ ولا اقولو مش قادره اعيش من غيرك ؟ اعاتبه ولا اشتكيله ؟ اللومه انه سابنى ولا اقولو محتجالك ؟ مكنتش عرفه اقول ايه للشخص اللى بيكلمنى عشان يوصله لشرف حسه ان جوايا كلام كتير بس الحبل الضعيف اللى انا مسكاه مش هيقدر يوصله كل اللى جوايا .فجاه لقيت الشخص بيبعتلى وبيقولى ساكته ليه . روحتى فين ؟ رديت بحزن وقلتلو موجوده اهو بس مش عارفه اقولك ايه . قالى انا حاسس بيكى بصى انا هروح اقولو  . خطيبتك بتحبك اوى متخصرهاش  قلتله لا اوعى تقول كده مش عيزاه يعرف انى بكلمك انا عيزاه يحس بيا من بعيد لبعيد قالى طب ازاى؟  قلتله حاول تصاحبه لحد مايحكيلك عنى قالى : بس ده هياخد وقت طويل لانه مستحيل هيحكى لحد عن حياته الشخصيه بالسهوله دى .قلتله طيب حاول تعرف المكتب اللى بيشتغل عليه واكتبله ورقه وارميها تحت المكتب ده. قالى تمام اكتب ايه فى الورقه ؟ قلتله اكتب اسمى .ضحك وقالى : مقلتليش على اسمك  يا فتاه يا مجهوله . مكنتش عايزه اذكر اسمى للشخص ده واضطريت اقولو على اسم وهمى قائله : اسمى سمر . قالى خلاص هكتبلو فى الورقه خطيبتك سمر لسه بتحبك .قلتله لالالا بلاش اسمى خالص . اكتبلو خطيبتك رقم خمسه بتموت ارجوك ارجعلها . قال رقم خمسه ؟؟؟ قلتله ايوه اكتب زى مابقولك .قالى حاضر بس ممكن اسالك سؤال :هو خطيبك كان خاطب اربعه قبلك ؟ قلتله : اه . قالى : طيب هقولك حاجه بس متزعليش خطيبك ده شكلو مش كويس قلتله :يعنى ايه ؟ قالى يعنى بيلعب ببنات الناس محدش بيخطب اربعه ويسيبهم الا اذا كان فيه حاجه مش طبيعيه معقوله يكونو كلهم وحشين .قلتله هو قالى ان كل وحده فيهم فيها عيب .قالى وهو اللى ملاك ؟ طيب انتى عيبك ايه ؟ ده انتى بتعبديه عباده الواد ده خساره فيكى متزعليش منى انتى زى اختى وهو لعب باللى قبلك زى ما لعب بيكى بالظبط.قلتله : انت بتقول الكلام ده عشان متوصلش الورقه. قالى والله العظيم ابدا انا عند وعدى ليكى ومعاكى لاخر لحظه زى ما وعدتك هدور عليه واديله الورقه بس انا بنصحك يابنت الحلال انا مش غرمان حاجه بس انا خايف عليكى بجد . قلتله فيه كتير قبلك نصحونى وانا مسمعتش لحد ولا عمرى هسمع لانى بحبه ومش قدره انساه ابدا . قالى طب اهدى انا هريحك واعملك اللى انتى عيزاه وانا اسف لو كنت ضايقتك انا بكره هدورلك عليه ولما اتاكد انه هو فعلا هبعتله الورقه بطريقه غير مباشره .قلتله متشكره جدا بجد هيبقى جميل عمرى ما هنساه . قالى متقوليش كده احنا خوات قفلت معاه لاكن نصيحتو كانت طول الوقت فى ذهنى .ليه الشخص ده بيقولى كده وازاى حكم على شرف من غير ما يعرفو .غاب هذا الشخص عنى يوما واثنان وثلاثه ثم اسبوع ثم اسبوعين وهكذا كانت تمر الايام بلا خبر .ايميله ديما مقفول ورسائلى له تتكاثر وتتكاثر بلا رد كنت كل يوم انتظره ولكنه لم يفتح ايميله مطلقا .فى هذه الفتره كانت تأتينى رسايل التهنئه باقتراب موعد راس السنه ومن ضمن تلك الرسايل رساله من ايميل( الورده البيضاء) يحمل تهنئه كنت اتجاهل باستمرار اى رساله فقد كنت انتظر الرساله الاهم التى تبشرنى اننى لقيت ما فقدته . كانت اوراق النتيجه المتبقيه من السنه تستعيد بداخلى احداث قديمه عشتها فى نفس تلك الايام الاولى من شهر (ديسمبر) الذى كان يوافق شهر عيد ميلادى .كل يوم كان بيعدى عليا بقول زى النهارده حصل كزه .زى النهارده شرف قالى كزه .زى النهارده روحنا المكان الفولانى .كنت بعيش اليوم بيومه كانه شريط بيتعاد من جديد بس الفرق انى وانا مع شرف مكنتش بعرف انام من الفرحه لكن دلوقتى مبعرفش انام من الوجع وفى ظل مقارناتى بهذه السنه والسنه الماضيه تفاجئت بيوم عيد ميلادى الذى لم يعد عيد بعد انتهاء ميلادى .. نعم فلقد انتهى ميلادى من قائمه شهور السنه باكملها ..فبعد شرف لم يعد لى ميلاد .. فى نفس اليوم من سنه جاء شرف حامله معه هديه عيد ميلادى (العصافير) ولكنه اليوم لم يعد اتيا بل اننى افتقد حضوره كما افتقد هديته .انه يوم وجعى والمى انه يوم وفاتى.. لا اعرف كيف استقبل هذا اليوم  .جاء يوم ميلادى وانا لا اشعر بالسعاده التى اعتد ان اشعر بها بعد كل سنه تمر من عمرى ولكن هذه السنه مرت وسحبت معها عمرى باكمله ..فلم اكن استطيع ان اتعايش مع هذا العيد ميلاد سوى بان اشعل الشموع ثم اطفئها كما انطفأت أنوار حياتى .

 قصيده ( فى عيد ميلادى ) 

فى عيد ميلادى بصيت لقيت 

فى نفر ناقص 

مش موجود بس روحه قريبه 

لسه فيه واحد مجبش هديتى 

لسه فيه واحد مقالش 

كل سنه وانتى طيبه

فى عيد ميلادى لما جم يطفو النور

وبدأ يغنو ويقولو سنه حلوه يا جميل 

كنت ببص فى الوشوش

فى حد لسه مشفتهوش 

فيه حد لسه مجاليش

لسه فيه ناقص صوت مبيغنيش

فى عيد ميلادى لما جيت اطفى الشموع

طلبو منى اتمنى حاجه صغيره

سكت الكلام وابتدت تنزل دموع 

اتمنى ايه بعد ما كل حاجه ضاعت

حتى الحاجات اللى فاضت متكسره

مش لقيا حاجه اتمناها

علشان مافيش حاجه حابها

كل حاجه متغيره 

كانت دموعى مزغلله عنيه

وشايفه الشموع قدامى نارها قويه

استعد يا وجع استعد يا الم استعدى يا اهات

حان يا قلبى وقت الامنيه

كنت خايفه اتمنى حاجه مش من حقى 

خايفه اغلط

كل ما يقولولى اتمنى الاقى حروفي بتتلخبط 

كان نفسى اتمنى ساعتها 

انك تكون واقف على الباب بتخبط 

كان نفسى اقول للشموع 

متخلصيش قبل مايجى حبيبى 

كان نفسى اقول الدقايق متنتهيش 

ده النهارده عيد ميلادى واكيد هيجى 

لا مش هيجى 

كفايا يا قلبى متعشمنيش 

الامنيه دى مش من نصيبى 

طفيت الشموع واستنيت 

مين اللى هيمسح الدموع ملقتش ايادى 

كل الايادى بتسقف 

وانا اللى ببكى فى يوم عيدى 

ولعو النور خلاص انا همسح دموعى بايدى 

يا شمعتى مين طفاكى بعد ما كنتى بتتأدى 

وقفو كل الاغانى والسيقف واسمعو 

 صوته عليا بينادى 

فين اللى كان قاعد هنا من سنه 

بسقفته وبضحكته بيغينلى فى ميلادى

ده كان معايا زى الليلادى 

والنهارده خلاص مشى وكانى بحتفل وحدى

سكتو ليه متسقفو صوت الوجع مش قدره اكتفو

صوت الوجع جوايا بينادى 

ناقص دقيقه وينتهى يوم مولدى 

ساعدونى ارسم ضحكتى 

ساعدونى احس بفرحتى وابدا سنه بقلب راضى 

امسحو دموع السنه اللى اشتكيت من مسحها 

 ساعدونى اخبى دمعتى ساعدونى افرح المرادى

ايوه هفرح وانا قلبى حزين بس اوعو تقولو لحد

 ايوه هحاول ابتسم بس اللى واجع قلبى بجد 

ان فيه واحد مجاش عيد ميلادى 

وكان مشهد عيد الميلاد كما غير يظهر فى الفيديو

جميع حقوق النشر محفوظه 

حيرتني / بقلم الشاعره / فاتن حسين

حيرتني....أغنية

.

صعب عليه أاقول نسيتك

صعب عليه أ أقول بكرهك

أصل لسه شايلة جوه قلبي 

حكاية حبك

بفتكرها مع الأنين

لكن قسوتك خلتنى أسكت

واروح بعيد

كتير عاتبتك

كتير شكيت 

حيرتني

طب ليه بغيرتك جننتني

حب ده ولا إيه

تبعد شويه وتقرب شويه

حيرتني

تقول بحبك واصدقك

وترجع تقول كلام بيجرح

يبقى ازاى بتحبني

حيرتني

ليه وانت قريب كلك حنان

واول ماتبعد تقسى كتير

ولا اسمع منك كلمة حبيب

هو أيه بينا وانت بعيد

 غير الكلام

حيرتني

بقى سهل عليك تهجرني

نسيت اوام حناني

وكمان عايز تبكيني

ليه تظلمني تاني

حيرتني

كتير سامحت وصبرت

ذنبي انى رضيت بالظلم

وحبيتك واتحملت

انا مش بطلب كتير

كلمة بحبك وانت بعيد

او لحظة حنان ..إهتمام

كتير عليه تخلص ليه

حيرتني

لو خلاص حبك إنتهى

خليك صريح

وحط النقط على الحروف

أنا مستهلش كل ده

صعب ااقولك ليه خلتني أكرهك

حرام عليك......حيرتني

بقلم فاتن حسين

كبرنا معا / بقلم الشاعره / عطر الحياة

كبرنا معا 

حبنا كبر مع دقات قلبينا

وأصر على المواصلة رغم كل العقبات

اتذكر حينما سألتك أتحبني ؟

قلت بكل رنة حب... أعشقك حبيبتي 

حينها سلمتك روحي قبل قلبي

ومضينا سويا على خطى حبنا

بمشيئة الله صرنا زوجا و زوجة

فزادنا كان ضمة يدين وقوة حبين 

عشنا سنين بين الحروف ومعانيها 

وبين الثانية والثانية حبنا كبر

حزنا معا وفرحنا معا

ضحكاتنا كبرت معنا

لا زلت ذلك الفتى الذي أحببته 

رغم أننا كبرنا وهرمنا 

لا زلت أحبك بكل قوة الصبا

بكل نبضة قلب عبيره انت

فقط أنت من أحب حبيبي 

بقلم عطر الحياة

أحيني /بقلم الشاعر / عبيد رياض محمد

أحيني 

(أحيني ثم عانقني

فعناقك فيه حياتي)

ضمني  لا تفارقني

ففراقك فيه مماتي

جفف بكفك عبراتي

إنهي بعشقك آهاتي

كن بحرا جاريا

أبحر فيه كل أوقاتي

لا تكن ريحا عاتية

تكسر كل شراعاتي

كن سماء صافية

تسطع فيها نجماتي

كن ربيعا حانيا

تزهر فيه وريقاتي

كن بلسما شافيا

داوي كل جراحاتي

كن للقلب غازيا

فذاك جل فتوحاتي

بقلمي / عبيد رياض محمد

16/9/2019

وحشتيني / بقلم الشاعر / عبيد رياض محمد

وحشتيني

وحشتيني

يا نور عيني 

وحشتيني

أيام بعدك عذاب

القلب في هواك داب

وحشتيني

وحشني هواك

طول ليلي و أنا بتمناك

دموع عيني بتترجاك

وحشتيني

واحشاني صورتك 

وحشني همسك

واحشني صوتك

و همسك و لمسك

وحشتيني

بقلمي/

عبيد رياض محمد

12/10/2019

كان حقا علي / بقلم الشاعر/ قدري المصلح

قصيدة كان حقا علي 

____________________

كان حقا عليّ

أن أسمع للزمن رغما عنّي 

اقاصيص 

ولغات متعددة 

ووجوه كثيرة

لم تأخذ من شكل الوجه إلا  زمانها 

فيمر الزمن 

ويبقى الوجه عاراً

على أمي 

فتخجل من الساعة التي أنجبتني 

لأني سمعت للزمن رغما عني 

فكلما رفعت للسماء يد

وإذا من يكسر يدي

فكلما رفعت للسماء يد

وإذا من يقيد يدي 

كان حقا علي أن أموت 

وإن لا يسجل الزمن نهايتي 

من لغات ووجوه متعددة 

باعت قيد السماء

وأنكرت زمن الشتاء

والمطر 

وتاريخ عودة القطار مع الراحلين والشمس

باعت غسيل أمي للانجاس 

في زمن نجس 

تكثر فيه الوجوه

وجوه كثيرة

يصرح خائن اولها وجهي ...

الديوان / لقاء مع الشاعرة فدوى طوقان 

قصيدة كان حقا عليّ.

الشاعر قدري المصلح

تحية من القلب / بقلم الشاعر / أحمد الشناوي

تحية من القلب

************

تحية من القلب لأعظم الرجال

تحية للقوات المسلحة الأبطال

وتحية لمن للشهادة قد نال

من فاضت روحه باطهر رمال

تحية لمن زلزل بصيحته الجبال

ونادى الله اكبر بصوت عال

وضرب للشجاعة اروع مثال

حين  صام وهو يعبر القنال

وحطم بارليفا فى أعظم قتال

وحرر الأرض بكل عزيز وغال

وتحمل الصعاب الشداد والأهوال

فكان النصر هدية من المولى المتعال

فتحية من القلب لهم تقديرا وإجلال

***************************

للشاعر المحب لوطنه وجيش وطنه

الشاعر /احمد الشناوي

من تكون / بقلم الشاعر / نزار عمر

من تكون 

من أين أنت ؟ ومن تكون ؟ 

لتعبر بجنونك السافر سور الحديقة

وتعبث بأناقة وردها

وتزعج فراشاتها

وما كل هذا الليل الذي تحمله

لتضع بينها وبين الشمس ظلك                

لتجرح فرح الورد بسكين صوتك ؟                     

بأغنية قاسية 

تخرج منها ريح صفراء                                      

وهي كم هي أغنية بيضاء

تمشي في البيوت والازقة

تمشي بعيدا عنك

ﻷنك لست من هنا  

ولست قريبا من هناك  

من أين أنت ؟ لم أتيت ؟

لتعكر صفو مرآة الوقت والمكان 

وأنت تزرع صوتك قطعا من الزجاج المكسور 

 على طريق العشاق

لتشرب نخب نهاية فصل وبداية فصل أخر من روايتك 

لتدعي أنك وريث السماء

بيدك الامر والنهي !

ترسل الكائن النابض إلى سرير نومه الأبدي

وأنت تجلس في الصف الأول تراقب 

وتشاهد فصول مسرحيتك

بضحكة ساخرة 

يليق بما في قلبك 

بما تراه من انهيار الماء في النبض

فتنشد أغنية  على مسامع الورد 

ليحتضر !

وهو يتكئ على نفسه ، وحيدا وغريبا 

يصرخ وجعا 

وأنت على ما أنت 

تجرحه بصوتك 

لترى انكساره أمامك

رافعا راية الثلج موتا  

لتضحك أكثر 

وأنت ترى لغتها تموت اختناقا 

لكنها ككل مرة تهزمك 

وتكسرك

ﻷنك تعرف وترى بأم عينك

الحديقة رغيف خبز للعشاق

ولكل من لها يشتاق

                                   بقلمي/نزار عمر

                                  4/10/2019

أنت كلي / بقلم الشاعره / ماريا غازي

أنت كلي ...

إذا كنت بعضك

فأنت كلي

و لا تعرف الروح مستقرا إلا عندك

فقل لي .!!

كيف أنشغل عن حبك للحظة أو أنسى هواي لديك

أنا يا حبيبي ...أيا خلي

مأسور نبضي ...و مصيري بيدك وحدك

أ تفك نهاري أو تسبي بالحنين ليلي؟

من ذا يعاند سلطة الهوى ...أو يقارب حدك

و القلب لك ضدي مد و جزر ...فيا ويلي

من بحور العشق المترامية على شواطيء عينيك

مساحات الوله بي ...بعضي تذمر و الشوق جلي

اذا ما رفعت رايات المساء ...وجدتك

تخاطب الكيان ...خاشعة روحي بصدق حبها و تصلي

لليل عله يأتيها بالصباح على هيأة نسمة تمر بعد طيفك

 أو لابأس بعدك...!!

أنت كلي 

ماريا غازي

الجزائر 2019/10/5

شاهد عيان / بقلم الشاعر / يوسف مجلع

بقلم يوسف ونيس مجلع --- ايطاليا بريشيا

اصدقائى الاحباء هذه الكلمة كتبت من قلب الاحداث واذيعت تليفزيونيا  فقط فى اكتوبر 2013

وقبل ان تذاع اضيف لها بعض الابيات التى تدعم الوحدة الوطنية والتى لو كتبت

وقتها لما كان لها معنى لان الوحدة الوطنية كانت حالة يعيشها المصريين دون التفكير فيها

او الحديث عنها---الكلمة بالعامية بعنوان شاهد عيان

من ذكريات جندى شاهد عيان ---------- كان له شرف الوجود فى الميدان

شاف البطولات لجيش الشجعان ------ اللى درسها التاريخ وغناها الزمان

حسن و جرجس و رمضان --------------- اللى دمهم اخطلت فى الميدان

كتب ملحمة لكل الازمان ---------------- مصر يامالكة الروح والوجدان

--------------------------------------------------------------------

اقول ايه ولا ايه عن الاعجازات ------ عن بواسل غيرو قواعد ونظريات

لا صواريخ ولا سرعة طيارات -------------- ولا مدافع ولا وزن دانات

ولا تكنولوجيا و قوة ترسانات --------- اللى قالوا هدمه رابع المستحيلات

بارليف اسطورة التحصينات ---------- جبل الحديد و اطنان الخرصانات

انهار تحت رجلينا مخدش ساعات ---- بايمان مالينا النصر باى تضحيات

--------------------------------------------------------------------

بعد النكسة ظهرت كئابة السحاب --------- والوكسة شمتت باظافر وانياب

قالو مصر وقعت ونهارها غاب ----------- بعزها اتهزمت ومجدها شاب

و الدنيا اندهشت عجب واعجاب ------- لما شمسها طلعت فى عز الشباب

انتصارتها رجعت باصرار غلاب ----- القناة صالحت ولادها بدون عتاب

وسيناء حضنت جنودها الاحباب --------- حضن العاشق بعد طول غياب

-------------------------------------------------------------------

اللى انحنى على التراب باسه ---------- واللى بالشكر عبر عن احساسه

واللى بيدمر الاهداف بحماسه ---------------- لا همه العدو ولا متراسه

واللى زرع العلم باخر انفاسه -------------- فخور مبتسم و رافع رائسه

النصر شافنا عمدان فى اساسه ------------ والمجد عرفنا عزوته وناسه

---------------------------------------------------------------------

كنا فدائيين الروح على الكف امارة --- لما طاش ملايين الرصاص بغزارة

ما نقاش المسلمين او النصارى ----- ما لقاش غير المصريين بس بجدارة

شجعان مليانين عزم وجسارة -------- عازمين العبور حتى بدون عبارة

عارفين قد ايه التحديات جبارة ------ مؤمنين الشهادة مكسب مش خسارة

-----------------------------------------------------------------------------

وسط الغام اخطر من الزواحف -------- ومخاطر زحام بالارواح جاحف

بعزيمة كانت فى قلوبنا تتضاعف ---- استمر جيش النصر بايمان زاحف

قلبه عمران صلبان و مصاحف ------ والعدو هربان على اربعة ساحف

بسرعة غزلان و رعب سلاحف ---- تارك عتاد الوان عملنا منه متاحف

-----------------------------------------------------------------------------

هنا من مصر الجميلة الوحيدة ---------- مصر الصابرة الاصيلة العنيدة

هنا من ساحة اكتوبر المجيدة -------------- تحية اجلال للاجيال الجديدة

اجدادكم بسماحة الحب الشديدة ------------ ضحوا بنفوس راضية سعيدة

داسوا جراحهم ضحوا بارواحهم ----------- لاجل بسمة الحفيد و الحفيدة

بقلمى يوسف ونيس مجلع --- مصر