يا قاسي ليه
---------------
يا قاسي وفي عينك رحمه
قلبي رايدك وانت تبـكيـني
يا قاسي فاكرني في المُـرّه
و ليـه في الحلـوه نـاسيـني
يا قاسي ليه انا روحي فيك
تجرحني ليه وأهون عليك
ساعـات بحس انـك قـاصد
ولمسـة أديـــك بتــدبحــني
وساعات أحس بيـك رايــد
والكلمـه بعنيـك تـِفــرِحني
بحبك مـوت واكيـد عارف
و القـسـوه منـك تـبكـيــني
بحبك موت واكيـد شايف
دموعي ع الخـد بتكـويني
بتبعـد وانـا أبـات ملهـوف
وصاحي في عِـز أشجاني
وبدعيلك ولوني مخطوف
ما تـنسـاني وتعـود تــاني
بـفكـر فيـك وانـا مشتــاق
وبتمني انـك تـصـــالحني
وبحلـف بيـك وبالأشــواق
وجـودك جنبـي يفـــرحني
انا حبي لقلبك مش عـادي
وبكـل عمايـلك انا راضي
متغبش وخف علي فؤادي
وبـلاش نتكلم في الماضي
يا قاسي ليه انا روحي فيك
تجرحني ليه وأهون عليك
-----[ مبروك البنا ]-----
ليست هناك تعليقات:
إرسال تعليق