.........
... ((( عليك تختار ))).............
لو فاكر هبكي علي فراقك
تبقي غلطان
أو هندب حظي علي بعادك
تبقي سكران
أنا عمري ما هندب ولا أعيط
ولا هبكي لحظه و أصوت
وحياتك عندي ولا أتحرك
لو فاكر أني ها أموت بعدك
علشان حبيت
تبقي أتجنبت
بالعكس هسيبك كده تمشي
و أنت الخسران
أنا واحد يعرف يحسبها
و ف ثانيه يجيبها ويقسمها
ولا فارق عندي انك تقعد
ولا فارق عندي انك تمشي
الأمر سيان و أنا الكسبان
حبيتك أيوه ما بنكرش
وأنا مش ندمان
ايه يعني هاتمشي وتسيبني
أو حتي هتبعد كده عني
في حوار فاكسان
ما أنا قبلك ياما فارقت زمان
كملت حياتي وماخسرتش
ولا قلت تعبت ولا ندمتش
وعايزني كمان بعد ده كله
أندم و أموت
يخي ده أنت كيوت
يبقي متعرفش بعد ده كله
ب تكلم مين
وفي عرف الدنيا و قوانيها
ما تقدرش تيجي جنب الحوت
اخرك بقي تمش صدقني
من جنب الحيط
أو تهرب حبه وتتخفي
في جحر البيت
صدقني روح الله يحنن
منك خفيت
وأنا هاأعرف غيرك و هاأكمل
و لا قلش ياريت
ما أنا أصل فهمت ألاعيبك
وأنا أصلا واخدك علي عيبك
وفيك أتغشيت
وبجد كويس قوي جدا
انك رديت
وشرحت ظروفك ومشاكلك
و بسرعه لقيت بدل التبرير
مليون تبرير
وفاكرني نسيت
و ده عيبك
م الآخر كنت شايل همك
وعليك خبيت
وكويس أنها جت منك
ما تقولشي ياريت
و لا تندم يوم أن أنا سيبتك
و تقول حبيت
و أتوكل يالله روح و أمشي
واياك في خيالك تقابلني
و تقول حنيت
و أنك ندمان و ب تهواني
ما أنا ليك مليت
وكفايه أيامي اللي قضيتها
والشاي والقهوه اللي هويتها
وياك في البيت
صدقني معاك اني أتسليت
وفرحت شهور وياك و بكيت
في الآخر عادي أننا نمشي
و نفارق بعض
و هتفضل بينا كمان ذكري
ونكلم بعض
من غير مانكسر و ندمر
و نكدب بعضنا و نحور
وتقدم تاني في أعزار
ونبرر نفس الاخطاء
ما خلاص الدنيا ب تتغير
وعلينا نكمل مشوارنا
و أحنا الأحرار
وها أقولك من قلبي ساعتها
ليك ألف سلام
وعليك تختار
الجنه في أيدك تسكنها
و كمان النار
وخلاص مابقاش
بينا أغاني ولا حتي أشعار
وكفايه ساعتها إني
اتعامل زي التجار
وأقولك سعرك في السوق
من غير ما أحتار
والشاطر يدفع ويشيل
و بألف دولار
وساعتها لا ها أبكي ولا هاأعيط
بالعكس أنا هاأفرح و أزيط
زي الشطار
كلمات الاديب الشاعر.د/ السيد علي امل عبدالصبور القن
ليست هناك تعليقات:
إرسال تعليق