عيد الفوحان!
(زجل مغربي)
نادى العيد بعواشرو
ما صبت قريب ليوم نعاشرو
لحباب كيتجمعو فالعيد
وأنا عايش وحدي وغريب
آش من عيد هذا ولا عواشر!!
الناس ولات بحال لمناشر
كثر لعصير والفوحان
الجار يفوح ويݣول:
خروفي زين وسمين،
عالف مزيان وجامع..
أحسن من خروف ذوك العديان
هذا حال ناس ليوم يا فلان
بعدوا على السنة والدين ت زمان
لعياقة صبحات فأيامنا حاكمة
ولعباد تضحي وعليه ناقمة
والكل يتخبى ويردد ويݣول:
لولاد يتجرحوا ݣدام الجيران
لو كان عليا أنا غير بلاش
كلامي ليكم يا مجمع لعيان
العادة سبقات الدين عند هاذ الناس
آش من عيد إلا خالف احكامو
اللحم حاضر والخير كثير
لازم كل واحد يحاسب افعالو
يتراجع لطريق التقوى والخير
-بقلم: محمد دومو
-مراكش/ المغرب
ليست هناك تعليقات:
إرسال تعليق