صاحب المعنى عاشرو
(زجل مغربي)
صاحب المعنى عاشرو
ولعبيط تركو واهجر لمكان
لحديث محكوم بدروجو
والجاهل بخبثو يقهر لعيان
افهم كلامي ليوم وتذوقو
ولا تبقى غير تايه وسرحان
وياك تتكلم مع الخاوي عقلو
مكلخ صنطيح وفلكلام يبان
لازم تعزل الناس قبل ما تعاشر
ف ضو الݣمرة يحلى السهران
الرزين فالناس يجري ويحافر
والحساد مقابل غير الفوحان
الاحترام زين يا ذاك الراجل
والشماتة ديما منبوذ من زمان
لا التيه وتخاف وتبدل الطريق
توكل واحتاط وسير على الله بالتمام
-بقلم: محمد دومو
-مراكش/ المغرب
ليست هناك تعليقات:
إرسال تعليق