رجعتلك
رجعتلك
يا بحر مليان بالوجع
رجعتلك
بطلت أنا أضرب ودع
فوقتلك
سمعني غضب موجك
مبتهزش
اخبط بالصخور راسك
مبتخضش
أنا الحلم اللي متهدش
يا سارق كل أحلامي
علي رملك
يا حارق فرح أيامي
من ظلمك
رجعتلك
رجعتلك شايل كفني
وقاتل بأيدي أحزاني
أنا اللي مش هعيش
محني
مهما قسيت أنت
وزماني
رجعتلك
رجعتلك فارد شراعي
علي شطوطك
رامي جواك اوجاعي
براحتك بقي تخونها
هي تخونك
مبقتش تفرق معايا
انا ضحكتلي دنيايا
وكسبان رضا ربي وامي
انا حققت كده حلمي
و رجعتلك
عرفت اني واد فارس
و كان قلبي بيك حاسس
وقولتلك
اصبر عليا يا بحر دمعي
قولتلك
بس انت مصبرتش
وطفيت بالرزاز شمعي
وعملت فيها مطنش
طب ليه مقدرتش
دا انا ياما اشتقت لك
ورجعتلك
ليست هناك تعليقات:
إرسال تعليق