مين اللي قال / بقلم الشاعرة / نعمه السواح

مين اللي قال

تغتال براءتي !

وفي أي دين؟

نصبت من نفسك إله !

وفي شرع مين !

لامره شوفتك..

ولا اذيتك..

ولا حتي عارفك

هو انت مين؟

انت حجر..

لا دا الحجر ..

منه انفجر.. الماء زلال!

أنت شيطان واطي خسيس!

كان نفسي اصلي..

كان نفسي العب ..

كان نفسي افرح ..

كان كل املي ..

اكون طبيب ..

واشفي الجراح..

ما رحمتنيش٠٠

كان نفسي اعيش.

أنا هشتكيك..

 لرب العباد..

يوم الميعاد !

ودمي راح..

 يشهد عليك !!

٠٠٠٠٠٠٠٠٠٠٠٠٠٠٠٠٠٠٠٠٠٠٠٠

نعمه السواح