خارج نطاق الخدمه
من الاخلاص لمعاليها
كتبت100قصيده فيها
فا كان منهم قصايد
فرح
وكان منهم قصايد
جرح
وكان شاهد علينا
الصبح
وانا ماشي رايح شغلي
تقوم من الفجر تحضني
وفي النقره تكون ضلي
ولما ابص في عنيها
بيكون غروبها محليها
عروسه تقولي اومرني
لكن
خارج نطاق الخدمه
صوت الضحكه وسط
الزمر
مع ان الدنيا دي لامه
لكن بصراحه من غيرها
انا قلبي بيشرب مر
وهي
راسمه الكدب بالزراغيط
وقلبها من الوجع بيئن
لكن عامل ياعيني عبيط
انا عارفها
لاني اكتر حد في الدنيا
انا حبيتها
شايفها عايشه مكسوره
نص و نص
نص بيبكي والتاني
عمال يرقص
بتتشعبط في لون فرحه
ودمع مغرق الطرحه
وانا عايش بموت فيها
وميت لكن هعيش بيها
وهي نفس احساسي
لكن اصدق في مشاعرها
ولسه لحد دلوقتي
انا حبيبها وانا شاعرها
ليست هناك تعليقات:
إرسال تعليق