صعب أقولك . بقلم \ أحمد شاهين
صعب أقولك ع إللى ف قلبى
والأيام بتموت جوايا
أنا حبيبتك أه ومخبى
وحدك إنتى أحلى حكايه
والأحلام بتفارق دربى
والأوهام بتقوللى كفايه
عشت فى حلم جميل صدقته
من جوايا بقيت بستعرب
ليه القمر العالى عِشقته
واما بقرب منه بيهرب
مش مكتوب لى أبقى سعيد
أونتلاقى الإيد فى الإيد
وانا حبيبتك طب أيه ذنبى؟
صعب اقولك ع إللى ف قلبى
موج البحر يا حاسس بيا
خدنى معاك والرحله تطوَل
ليه الناس ف قلوبها أسيه
والأحزان تتعاد م الأول
أنا مش قادر أصُبر تانى
ليه مكتوب لى أعيش وحدانى
مش مكتوب لى أبقى سعيد
أو نتلاقى الإيد فى الإيد
وانا حبيبتك طب أيه ذنبى؟
صعب
أقولك
ع
إللى
ف
قلبى
كلمات \ أحمد شاهين
29 \ 12 \ 2016
م . ف
ليست هناك تعليقات:
إرسال تعليق