# عايز الحق الامضاء #
واخرج ع شغلى بدرى
والجو سقعه رصاص
وارفع ايدى وادعى
انى الحق الميكروباص
ماشى بفكر ف البطانيه
وانا بودع السرير والخداديه
وبدور ف جيبى ع فكه
عشان حساب الاجره
حسيت بقلق وربكه
ببص لقيت مشاجره
انعدام حياء
وحرامى اعضاء
وال ناس ببعض متاجره
سيبونى بغمى
متزودوش همى
انا عايز الحق الامضاء
وجريت اركب والحق مكان
ملقتش مكان ورا وقدام
السواق استعبط
قالى اتشعبط
دى ساعه صبحيه والدنيا زحام
فجأه فى مطر مع غيوم
قلت للسواق يلا قوم
كفايه تأخير
ووصلنا ع خير
وبنزل وقعت واتبهدلت الهدوم
قمت وجريت
ع الشغل خشيت
لقيت اليوم بتاعى مخصوم
# بقلم : شيماء الدالى #
ليست هناك تعليقات:
إرسال تعليق