( الشعب غلبان )
يا مين يرحم الغلابة
يا حكومة الفكر العقيم
حولتى الدنيا غابة
نار و رماد و غيم
ناس عايشة بتموت
مش لاقية حبت أمل
بتصرخ بعلو الصوت
لكن ايه العمل
غلبان بيموت من الجوع
مريض مش لاقى علاج
حسى مرة بالموجوع
حنى على المحتاج
الناس فى الشارع مرمية
غير اللى فى السجون
كمان تسعين × ال 100
فى الصرايا صابهم جنون
احنا مش قد الأسعار
اللى عمالة تزيد
الدنيا صبحت نار
كل يوم بتقيد
الناس بتكح تراب
العشا بتكمله نوم
كفاية بقى خراب
الناس بتشق الهدوم
العيشة صبحت مرة
ياريت ترحمى الشعب
لو انتى حكومة حرة
هونى بقى الصعب
فين الصحة و التعليم
فين العيشة الكريمة
ردى علينا رد سليم
سكوتك ده عقاب و جريمة
الرغيف بناكله بالتقسيط
مع أنه مليان خشب
الشعب غلبان و بسيط
مش عايز ملايين ولا دهب
قبل ما اكتب القصيدة
شلت كفنى على كفوفى
مع احترامى لكلماتى العنيدة
ملعون أبوك يا خوفى
كلمات : محمد فتحى
ليست هناك تعليقات:
إرسال تعليق