اهداء لصاحبة القلم
مسكت ايدى فتحتها
وحطت مابين صوابعى قلم
قالت اكتب بحبك
قالت اكتب احلى كلام
اكتب وعبر عن الهوى عن الغرام
سمعتنى احلى كلام
نسانى حزنى والالم
خلت لحياتى معنى
من بعد ما كانت عدم
لما ابص فى عنيها
الاقى بحورانا فيها بتوه
واسمع صوت ضحكتها
تزيح عنى الهم وتقولى انسى
عرفتنى يعنى ايه معنى احب
يعنى ايه غصب عنك يدق قلب
يعنى ايه يحلى السهر
يعنى ايه من عيونه بسكر
يعنى ايه معنى قمر
علمتنى بس انى احبها
وقبل ما ابعد عنها اشتاق لها
عرفت تحفر فى قلبى
وتزرع بزره لحبها
وعلمتنى ارويها بشوقى
بقت فى دمى بتجرى فى عروقى
القلم معرفش يوصف
وانا كمان محتار
ازاى اوصف شمس النهار
اوصف فيها الدفا
ولا اتكلم عن النور
معرفتش اكتب
ولا حتى اقول لها
غير بس اكتر ما بتحبنى
انا كمان بحبها
الشاعر/عزالدين جبريل
ليست هناك تعليقات:
إرسال تعليق