آه منك
آه منك يا ظالمني
ياللي سارق قلبي مني
خدت إيه أنا م التمني
غير ألم و جراح و آه
كل مرة أأقول أعاتبك
و اشتكى منك لقلبك
تيجي جرى تقول بحبك
أنسى كل عذاب و آه
يا حبيبي لما تبعد
عن عيوني وتروح و تعند
ياللي بقربك قلبي يسعد
ليه تكون سبب شقاه
يا حبيبي هواك في قلبي
مهما أداري و لا أخبي
بحبك أنت و يعلم ربي
أنت اللي أنا بأتمناه
يا حبيبي بلاش تغيب
دا الفراق دايماً صعيب
بعدك أنت ماليش حبيب
بعدك إيه تسوي الحياه
الحياه بعدك عذاب
أرحم قلب في حبك داب
ياللي قمري في بعدك غاب
ليه تزيد جرحه و آساه
قولي إزاي أعيش حياتي
ياللي بتزود آهاتي
و أنت ساكن جوه ذاتي
و نفسي أعيش العمر معاه
بقلم الشاعر / عبيد رياض محمد
24/12/2016
ليست هناك تعليقات:
إرسال تعليق