جيت من بطن أمي عريان
وأكيد هارجع زى ماجيت
هى دى حقيقة الإنسان
حتى لو عنده مليون بيت
******
ياللى أنت طمعان فى الدنيا
أحلف بالله بتضحك عليك
لا بتملك فى عمرك ثانيه
ولا حتى والله نور عينيك
ده كل شئ ياحبيبى فانى
أسمع كلام كله معانى
راح ترجع لربك تانى
من غير والله حبة زيت
******
جيت من بطن أمي عريان
وأكيد هرجع زى ماجيت
******
إوعى المال فى يوم يغريك
وتعيش حياة حرام فى حرام
فى ناس غلابه محتاجه ليك
وفكر هتعيشلك كام عام
وياخوفى من يوم الحساب
لا هينفع لوم ولا عتاب
ربك فوق عارف الكداب
هتقولو إيه عمرى ماحنيت
******
جيت من بطن أمي عريان
وأكيد هرجع زى ماجيت
*******
أهو ده كان فى يوم سلطان
شوفه الزمن عامل فى إيه
يعنى الدنيا مالهاش أمان
يبقى إحنا نبكى عليها ليه
راح أسلم قلبى لرب الكون
ويوم ماهقبله هكون ممنون
مافيش غيره راح يبقى حنون
ياللى بعدت عنه واسيت
*******
جيت من بطن أمي عريان
وأكيد هرجع زى ماجيت
*******
جيت من بطن أمي
كلمات
عماد عطا عطية
ليست هناك تعليقات:
إرسال تعليق