## أنا غلبان##
بس وهص
مفيش كلام
واوعا تبص
لورا وقدام
صراخ وبكا
ومواويل كترت
الكل اشتكا
والعقول صغرت
شفت الواد
صاحب الاختراع
اعلنوا الحداد
حلمه ضاع
هز الوسط
بيأكل عيش
وانا اتوكست
مش عارف اعيش
افكار تنداس
ورزيله تتكرم
تتحط على الراس
والعلم يتحرم
مالك يا زمانى
ايه جرالك
دمنا مجانى
ملعون احوالك
غرزنا فى الطين
وبقينا فى الوحل
ومش طالعين
ومصيرنا السحل
اليأس مش قصده
بس انا تعبان
الهم انا حصده
عشان غلبان
معقول ده ذنبنا
وجه وقت الحساب
ربنا ضلنا
وده يبقى العقاب
محدش يظلمنى
صعبان عليا غيرى
الدفعه بتخنى
وحركنى ضميرى
عايزين كرامه
وعيشه وسطيه
كفايه مهانه
وكفايه حزبيه
#بقلم:شيماء السيد#
ليست هناك تعليقات:
إرسال تعليق