وسط زحمة البشر
وسط زحمة البشر
اشياء كتيره تتهجر
تلقى فجأة الحب تاه
والامان بيتوه معاه
تلقى كل شيءجميل
ضاع بدون اى بديل
تلقى بعد تلقى حقد
تلقى شوك مكان الورد
تشوف وشوش مبهرجه
شايله رتوش موهوجه
وشوش بكام الف لون
معاك عليك ايه المضمون
المهم المصلحة تمشى
يوم بكوسه يعنى ترشى
او بغصب وكله محشى
الاصل تايه من زمان
حتى ما بين الجيران
ضاع فلان مابين فلان
الغنى راكب حصان
والفقير ابنه مهان
اصل دنيا ما لها دين
فى المتاهه خرفانين
ناس بتسال تايهه فين
وناس بتدعى واحد معين
رب البرايا العالمين
تلقى ناس شايفة الحقيقة مغمضين
هوه دا فعل الزحام
يعنى هنبطل كلام
يعنى ضاعت الارحام
سكوت نيام مافيش احلام
دنيا مليانة خلايق بالزحام
بس خلاص خلص الكلام
اقولكم يللا سلام
مصطفى قمر
ليست هناك تعليقات:
إرسال تعليق