( نفسى )
نفسى مره
ألاقى واحد
ضميره صاحى
الصبح بدرى
يقوم ويجرى
ويقول ياربى
ح أقوم بواجبي
انا مش ح اجامل
لو حتى صاحبى
وح اكون أمين
ومش ح فرق
إن كان دا ص
أو كان دا س
الحق واضح
وله عنين
مفيش تخاذل
والذمه واحده
مش ذمتين
يكفينى إنه
خلقلى عين
دا غير إيدين
وكتير ألاء
وان صابنى داء
ح اركع وأسجد
وقول ياربى
ليك كل شكرى
ع الإبتلاء
ودا إمتحان
علشان تشوف
قوة إيمانى
وأنا عبد خاضع
ساجد وراكع
منيش أنانى
ذكرك ف قلبى
وكمان لسانى
دايما يسبح
بحمدك انت
وشكرك انت
أكيد كفانى
ولولا إنك
غفرت عنى
زلة لسانى
لكان زمانى
ف وادى تانى
( نبيل الوردانى )
شاعر
ليست هناك تعليقات:
إرسال تعليق