#القلم#
القلم مال للانحراف
وبيبعد عن اى اعتراف
ضل رسالته
ومل حكايته
لغى حضور ومضى انصراف
عالج جروح وبوح
مالك يا قلم عاجز
اعلن افكار ليه محتار
طب مين حطلك حاجز
هات الحروف لحنها
وركب الجمله وسكنها
حاول يا قلم وشخبط
بأى كلام قول واتخبط
قرب وجرب
بلاش تتهرب
ومش عيب انك تتلغبط
عيد الترتيب وصيب
وصحح مسار الهدف
لازم تقول انت المسؤل
وجايز تسعدك الصدف
صوت الألم زى الجرس
واحذر يا قلمى الخرس
علاقتك بالرمح مقاربه
لو تكتب بتوجه ضربه
طبيب بيصنفنى
وقريب كاشفنى
وبتقدر ترجعنى من الغربه
#بقلم: شيماء الدالى #
ليست هناك تعليقات:
إرسال تعليق