آسف ع الوداع / بقلم الشاعر / محمد عبد الرحيم

آسف ع 

الوداع 

..........

معلش آسف ع 

الوداع ..

كان نفسي أبقى 

معاكي أكتر من

كدا ..

لكن القدر ..    ما 

     قبلش دا 

قابليني دا إنتي 

هتوحشيني 

      كتير قوي ..

ضميني آخر مرة 

خليني أودع 

     ضمتك ..

أمسح لآخر مرة 

برضه   دمعتك 

أحضن ملامحك..

وبكلامك .. أرتوي 

..........

مللي عينيكي 

ياغالية مني ..

بكرة هتحكي 

 بحزن عني ..

وتقولي كان أمير 

         لحلمي ..

وسر دمعي إللي 

        ملازمني ..

..........

الساعة ليه بتفوت

          دقيقة ..

وأنا نفسي أخبي

بجد عنك ..

وفي حضن ليل 

بياخدني منك ..

إخترت أقولك ع 

     الحقيقة 

........  

إحكي لولادك إني 

كنت السندباد ..

والدنيا كانت رحلة 

لكن ..مش سعيدة ..

ورغم ده .. لملمتلك 

أحلامي عقد ..

بس السفر ساعتها 

           كان ..

      لبلاد بعيدة 

..........

قابليني دا إنتي 

هتوحشيني كتير 

       قوي ..

ضميني آخر مرة 

       خليني 

   أودع ضمتك ..

أمسح لآخر مرة  

      برضه دمعتك .. 

أحضن ملامحك 

وبكلامك ..  أرتوي 

محمدعبدالرحيم