بيرن عليه... كلماتي*يوسف ابوالسعود

...بيرن عليه...

بيرن عليه وبيبعت رسايل حنيه..

بيقولي اسف على الي حصل مني ياضي عنيه...

بعد ايه جاي بتحايل فيه..

بعد ماجرحت قلبي وبكيت عنيه...

دمرت ليه كل حاجه حلوه كانت فيه..

كسرت قلبي ضيعت حبي ولعبت بيه...

اخدت مني اهتمام حب وحنيه..

اديتني كل اهمال وظلم واسيه...

وجاي النهارده تترجا فيه..

بتعبت في رسايل وبترن عليه...

...بيرن عليه وبيبعت رسايل حنيه...

.. بيرن عليه...

بيبعت رسايل بيقول سامحني رد عليه..

ال ايه بيحبني ووحشاه عنيه...

كداب موش هاتلعب تاني بيه..

انت السبب في العذاب والجراح الي فيه...

روح خلاص موش هاكون تاني ضحيه..

لا انا كنت ليك ولا عمرك كنت ليه...

امشي خلاص وشوفلك لعبه تانيه..

وسبني يادوب اداوي الجراح والألم الي فيه...

لا عاوز منك رسايل ولاترن عليه..

ولا تحايلني ولا حتي تقول وحشاك عنيه...

... بيرن عليه وبيبعت رسايل حنيه...

... بيرن عليه...

بيقول ننسا الي فات وهات ايدك في ايديه..

طيب كنت فين لما هانت عليك دموع عنيه...

لما شفتني بنجرح والألم بيزيد فيه..

لما كنت محتاج منك حنان وانت بتزيد في الاسيه...

كنت فين..

لما مدتلك ايديه وجرحتني ودوست عليه..

لما الدموع سالت من عنيه وماتت كل حاجه حلوه فيه...

جاي دلوقتي تترجا وتحايل فيه..

وبتقول ننسا الي فات ونبتدي من الحظه ديه...

طيب وعمري الي راح هاترجعه تاني ليه..

وها داوي الجراح والألم والعذاب الي فيه...

روح خلاص موش هاتلعب تاني بيه..

لا تبعت رسايل ولا ترن تاني عليه...

... بيرن عليه وبيبعت رسايل حنيه...

... بيرن عليه...

كلماتي*يوسف ابوالسعود*