شوية فكه
خاطرة نثرية بقلم. شحات خلف الله كَاتِبْ وَمُحَامْ
فكه يا بيه ....
فكه يا هانم....
خد لِبَـان ....
خد كبريت ...
او بونبونى ...
او حتة ريفو....
فاكرين .....
ده كان زمان ...
ايام سعر اللبان ...
والكبريت بسعر الفكه ...
فكة مين يا حزين ....
الدنيا ماشيه ....
شمال من سنين ...
هتروح الفكه فين ...
احنا اولى بيها يا نور العين ....
قرش على مليم ....
نساعد همام على مشروع جبار ....
بلاها امستردام وكام مليار ....
ومطعم بطاطس يبيعه خواجه دجال ...
ولا ياخدهم احسن البتاع ابن البتوع ...
ثمن مركب او تاشيرة يضيع فيها العيال ....
ادفع وانت ساكت يا حزين ....
الفكه هتعمل ملاييين ....
ناس فاهمه واعيه .....
وعارفه الفكه بتروح فين ...
قالها الدكر يا بنوك هاتوا الفكه ...
وانت اصلا مش عايز الفَكَهْ ...
يبقى مالك ...
ليه متنيل وشايل الطين ...
خلى الفكه ليوم الفكه ....
تفك الزنقه على ملايين ....
حتى جنيهك بقي فكه ...
صبح صَلّح عَمّر حته ...
وفى الأخر دى حتّه فكه ...
الشارع مليان متسولين ....
وعندهم عمائر ......
فى مارينا وراس التين ...
سيبك منهم هاتلى الفكه ...
واوعدك هتبقى اجمل حته ...
ما هى شوية فكه ....
وفكه على فكه هتبقى أجمل حتّه ...
ليست هناك تعليقات:
إرسال تعليق