....(( الفكة ))...
بتتريق سيادتك ع الفكة
وحاطط رجل علي رجل
وتشرب شاي ع الدكة
و تقولي بيها أروح السند
ولا أفتح بيها يافا وعكا
لا يا أمور يا أبو زكة
دول كتير لها حضارات
حطوا في كل المؤسسات
صندوق تبرعات
تبني منه مشروعات
لا واحد فيها عاطل
ولا واحد فيها سكة
وعازيني أبنيلك كام دور
وطريق كان مهجور
و مصنع مقفول هيدور
بدل ما تهرب وتتغرب
أو حتي تموت ف السكة
و نبني منها مستشفي
فيها الفقير يشفي
بدل ما ع الخاص يحفي
والقلب يروق و يصفي
و البال يرتاح من الحكة
و لكلمة حق منك رجوع
الفرح علينا ممنوع
مع إن الحل مشروع
لو الغني فينا زكا
د/عمر عبد الجواد عبد العزيز
ليست هناك تعليقات:
إرسال تعليق