محناش عرب
شعر / تامرابوهيبه
إوعاك تقول إحنا عرب
من غير دليل
إوعاك تقول إحنا عرب
وانت ذليل
إوعاك تقول إحنا عرب
وعندنا نخوه وكرامه وعندنا فعلا رجال
إحنا يادوب كل العرب حبة حريم
ومن الرجال حب عيال
ماتاخودش منهم غير
صداع الثرثره وألم الجدال
مع بعضنا روحنا إتفقنا
ف الحقيقه على المحال
إحنا إتفقنا على النداله والسفاله
وكل ما يخطر ببال
ضاعت ياناس صلة الرحم
والرحمه ماتت فى القلوب
وكل شىء فينا إتزحم
والحق مدفون فى التراب
إخواتنا فى القدس الحزين
منهم مسيحى ومسلمين
على أرضهم متشردين
عزل وتعاسه بيشربوا
ف نار الحصار
وف سوريا موووووووووووت وياه دمار
وإحنا هنا بناكل ونشرب ليل نهار
إحساسنا مات ويا الشرف
والعيشه عار ولباسنا عار
إيه يبقى فاضل فيه دليل
على إننا فعلا عرب
محناش عرب محناش عرب
وأوعاك تقول إحنا عرب
شعر /تامرابوهيبه
ليست هناك تعليقات:
إرسال تعليق