مجاريح ف العشق يا ابا
ودوانا يبقى فين
حبينا صحيح ولكن
احبابنا راحوا فين
ليه البعد يبقى
مكتوب بين الاحبه
والعاشق ليه بيلقى
قلبه مجروح يا عين
مجاريح ف العشق يا ابا
ودوانا يبقى فين ؟
.....................
غريبة ليه يا دنيا
دواره زي ساقيه
رابطانا فيها واحنا
غصب عنا راضين
كل ما نلقى واحد
ونقول عليه حبيبنا
يطلع برضوا انه
من باقي الغدارين
مجاريح ف العشق يا ابا
ودوانا يبقى فين ؟
......................
باعونا حبابيبنا
وجرحوا كتير قلوبنا
واحنا اللي صبرنا
كتير على جرحهم
لكن ما بقتش نافعه
اننا نقبل ونرضى
نبات الليل حزانا
ودموعنا ع الخدين
مجاريح ف العشق يا ابا
ودوانا يبقى فين ؟
........................
كلمات / سامى محمود حنفى
ليست هناك تعليقات:
إرسال تعليق