(( مابين البرد والمطر ))
مابين البرد والمطر
وبرده حاسس بالدفي
لو رعد وبرق مش خطر
طول ماقلوبنا
في إخلاص ووفي..
هانعيش في قلوب بعض
ودقات قلوبنا تخلينا
أسعد اتنين في السما و الارض
ويغني الطير حوالينا
وعصفور يوشوش عصفوره
يقولها تيجي ناخد صوره
واحط إديا في إديكي
ويميل جناحي علي جناحك
دا الضحكه دي اللي في عنيكي
سر حياتي و حياتك
وبحبك..
بحبك ياحُب حُر
محسسني بالآمان
بحبك.....
يا أجمل قلب
معلمني الوفي والحنان
شوف الهوي بيعمل إيه
بيخلي الغصن يميل ع الغصن
ونقول إحنا.. دا فصل الربيع
بس المداري.. واللي مانعرفوش
إن الشوق غلب الغصن
وخلّاه علي حبيبه يميل
دا الحب في كل حاجه
والشوق أكبر دليل..
ماهر البساطي..
ليست هناك تعليقات:
إرسال تعليق