دموع الياسمين
مهما زمانك جار و عليكي بكي
تبقي الأرض والدار عطشى تشتكي
بتبقي يا راية مجد مرفوعة علم
حصرم بعين الغرب حامضها اتركي
اغتالوا الأهل و الجار و الدار انقسم
دفعنا ضحايا طفال ضمن المملكة
نكسفت نوار الشمس و الضي انعتم
ليل الألم قهّار سكناتو حكي
الياسمين عطرو شحّ بالدخنة انعدم
انكسرت ضلوع الورد يبس الليلكي
الصوت بصباكي انبح شهقاتو ألم
بدمع البكي امّات حضنك تلتكي
راجع سلام الحب قدّام الامم
يفرض ضريبة دم يدفعها لكي
ولكل غاصب مرّ رح يدفع ندم
عمرو قهر و عذاب روحو مهلكة
يللي حضنتي الكون بعلوم و حكم
عطيتي الحرف والنور هالامر ادركي
هيدا سلاح اليوم بالفكر النجيب
هلّوا معي يا ناس بالطاغي اسفكي
رامز عيد 27/09/2016
وافر التقدير و جزيل الشكر و الامتنان لمجلة سحر البيان على نشر شعري المتواضع في بياناتها الراقية و اخص بالشكر و التقدير الاستاذ الالقز Ebead Ryad
ردحذف