♥سامحها: بقلمى//صابر الطوخى♥
♥♥♥
سامحها قبـل م تبعـد وتنسـاهاا
وتنسى محاسنها واوصافها
مش هى دى اللى كنت بتهواهـا
ولا دلوقتى معــدتش تعـــرفها
مش هي دي اللي كنت بتعشق
حضنها ودفاها
مش هي دي اللي كنت بتدوب
بين شفيفها
عاتبها وأعـرف ايه سـر جفـاها
وإن كانت مظلومه إنصفـها
خليك هـادى وانت بتتكلم وياها
يمكن يكون فيه حاجه بتخوفها
قرب منها ماانت دواها وشفاها
وسبها على راحتها اوعى تكتفـها
وان كان قلبـها حـن لغــيرك
بص ف عيونها من غير م تحلفها
وسبها تختار طريقها متجرحاش
ولا تحـاول تقابلها تانى ولا تشوفهـا
صدقني لو كانت باقيه علي العشره
محدش من حضنك يقدر يخطفها
الحب مش بالمناهده ولا بالمحايله
ولا ف نار العذاب والآحزان تحدفهاا
الحب انك تتمني لها السعاده
مش كل ماتقبلها ف مكان تناكفها
الحـب انك تضحـى علشانها
وان شوفت دمعه فعيونها تنشفهاا
بقلمى//صابر الطوخى
ليست هناك تعليقات:
إرسال تعليق