من كتر شوقي اليك
بأعد الساعات بالثانيه
وروحي بتنادي عليك
ودموعي عليك جاريه
إيه اللي جرا ليك
وجعت روح عليك غاليه
مشتاقه والله لعنيك
ومن كتر الشوق دايبه
وفي حيره تملي عليك
والنار جوايا آه قايده
هأخد من عمري وأديك
بس متغبش عني ثانيه
هي دننيتي تحلا الا بيك
دا انا عايشه ومش عايشه
يرضيك كدا مبقاش حواليك
وأعيش من غيرك كده تايهه
انا متعوده أيديا تبقا بايدك
وليالي الغرام بينا اللي سايده
كده تهجرني و تنسى لياليك
ويكويني هواك وانا راضيه
دا كل حاجه بتسالني عليك
مش عارفه أرد وأقول إيه
لو تعز قلبي وصعبت عليك
ارحم دموع عنيا الجاريه
و اسمع ندا روحي إليك
الجراح لحد كده آه كافيه
اد متخدك الدنيا وتوديك
هواك عندي اه حاجه تانيه
من كتر شوقي اليك
بأعد الساعات بالثانيه
كلمات
مجدي فرحات
ليست هناك تعليقات:
إرسال تعليق