رسايل مخفيه
الرساله السادسة عشر
==============
محبوبتي
بعد السلام
بعد الغرام
بعد اللي كان بيني وبينك
وأنتي قولتي انه حرام
بعد الوعود دلوقتي فينك
صعب يوصف وجعي الكلام
كل الكلام جوايا مايكفيش رسايل
حظي كدا
حظي يكون بختي في الحب مايل
حظي كدا
اشوف الجنه في منامي
لكني بجد مش طايل
ماانا المكتوب علي جبينه
غرام واحده ماهيش وياه
وانا اللي ربنا يعينه
وهو غريب في أرض الله
وياليلاه
وحق العشره والأيام مع الأحلام
راح ادعيلك
وحق اللي مالوش قسمه يكون فرحان
راح ادعيلك
وإيه فايده اني أكون كرهك
وكل رساله بكتبها وحشتيني
وبحلف إن أنا عشقك
ومش كرهك
وإيه فايده اني أكون كرهك
وكل رساله بكتبها وانا بقسم بحلفلك
لا فيا حب من قبلك
ولا اعشق حد من بعدك
وياليلي
ياست الناس
هتفضلي فيا طول العمر بدعيلك
وهحكيلك
مابين حلمي
أنا والله بدعيلك
يا عايشه غصب في دمي
صحيح مرتاحة من همي
لكن راح تفضلي همي
وهدعيلك
ماهو اللي يحب مابيكرهش
ولو حتي اللي كان زيك مابيقدرش
لكني بجد مقدرش
أكون جاحد علي قلبك
ولو قربك دا ماتقدرش
لخاطر الله أنا مسمحك
أنا بكدب ساعات لما بقول دلوقتي أنا كرهك
أنا اللي حياته مش كامله عشان ينقصها نور قربك
وإيه فايده اني أكون كرهك
وكل رساله بكتبها وانا بقسم و بحلفلك
لا فيا حب من قبلك
ولا اعشق حد من بعدك
===================
يا أغلي حب يوجعني
يا قلب حبيبه بايعني
ياصرخه شوف بتدبح قلبي بعدك دبح
لكن دا مين هينفعني
ساعات بسأل وانا جوايا هتجنن
هعيش ازاي وانا مش عارف اطمن
علي اللي مابيني اه وبينها
حاجات حلوه
علي اللي تعبت علشانها
وبوصفها في ١٠٠ غنوه
يا احلي غنوه بكتبها
تعيش فيا لحياه تانيه
يا أغلي روح أنا حبيبها
في ألف رساله مخفيه
رساله جديده علشانك
وعلشانك
هخبي ضعفي جوايا
في دمعه شوق لإنسيه
رساله حب مخفيه
وهكتب ليكي طول مافي لسه نفس فيا
وهدعيلك
يارب احفظها من شر الحياه والغير
يارب اكتبلها ديما تشوف الخير
يارب ان كان صحيح الفراق مكتوب
مايمكن بعدها عني دا عندك خير
لكني أسير
مابين البعد والقسوة مع سكوتها
مابين أمنيه إن اسمع كمان صوتها
دي قاسيه في بعدها عني
لكن هي كدا ظروفها
ومش هكدب
بحبها حب زي الجنه باوصفها
عشان الجنه عمر ما حد يوم شافها
وانا المجنون علي حبي اللي مش ليا
لكن بحلم أنا في الجنه لو اشوفها
ودا حالي
وياحالي
رساله حب بكتبها وانا مسامحك
علي قد الجراح هتكون
يارب اشوف أنا فرحك
أنا بكدب ساعات لما بقول دلوقتي أنا كرهك
أنا اللي حياته مش كامله عشان ينقصها نور قربك
وإيه فايده اني أكون كرهك
وكل رساله بكتبها وانا بقسم و بحلفلك
لا فيا حب من قبلك
ولا اعشق حد من بعدك
======================
كلمات
احمد طلبه
ليست هناك تعليقات:
إرسال تعليق