قصيده بعنوان
(مات الكلام. )
لما أشوف
جواك خراب.
وأحس بحبك
سراب.
لما إحساس قلبك
يموت.
لما مشاعرك
تبقى زيف
سحابه مارقه
فى عز صيف.
لما برودك
فى قلبى
نار.
وحبى ليك
مر ومرار.
تقلب حياتى
جواها عتمه
والليل عندى
أصبح نهار
يبقى مات
الكلام.
لما ألاقى عقلك
عنيد.
وقسوة قلبك
تزيد.
لما الدم أل
في دمك
وقلبى بحنانه
ضمك.
وإنت بغرورك.
وبدلال.
فى حبى
راسب.
بليد.
يبقى مات
الكلام.
كل حاجه
فيك بتحكى.
عن ظلامك
وعن ضلاك
وعن خصامك
وعن عتابك
وعن جفاك.
عن صدك
وعن ردك
حتى رضاك.
عن همومك
وعن متعابك.
تبقى تعبنى
وأقول فداك.
ومتحمل منك
غباك.
إستحاله تكون
بتفهم.
إن عمرى
إل فنيته بحبك
وكل يوم
بحنانك أحلم.
إلاقى قلبك
كرهنى.
ومين غير
ربى إل
يعلم.
يبقى مات
الكلام.
وأشرف لي
وليك
تختم حياتنا
بسلام.
12/6/2019
ترنيمات وخواطر........ بقلم.......)
خيرى حسنى..............................)
ليست هناك تعليقات:
إرسال تعليق