اعذروني
قلبي مليان بالمشاعر
فرحة قليلة والباقي حزن
ما تزعلوش من قلب شاعر
طير جريح والحزن غصن
يقف على الغصن يدور
على فرحة يمكن يلقاها طايرة
قلبي جريح وفي وسط حزنه
والاحزان حوليا دايرة
الغصن تعب من كتر حزني
دا حمل حزني تقل عليه
حد يقولله يكلمه
يمكن يا ناس اصعب عليه
ولا الغصن حينكسر
زي الحلم اللي انكسر من زمان
ما تعرفش ايه حكم القدر
في اللي جاي او حتى اللي كان
هي الدنيا كده
عيش وانت ساكت
وانا طول عمري ياناس
فضلت ساكت
بس خلاص تعبت من
كتر السكوت
اعذروني في كلامي
السكوت بقى ليا موت
يحيى حسين 31 ديسمبر 2018
ليست هناك تعليقات:
إرسال تعليق