قصيدة بعنوان
(مكتوب؟؟؟؟؟!)
مكتوب أعشق
وأحب وأعيش الحب
في الأحلام
في الأوهام.
أتخيل نفسي.
بإني دنجوان عصري.
وبإن حبيبتي منتظراني.
في نفس الميعاد
ال اتوعدناه.
وأنا أتقل عليها ومروحش.
في الميعاد
وأروح وأنا ماشي
أتعايق كأني واخد لي
دور العاشق الولهان
في الأفلام.
مكتوب علي.
أتخيل حبيبي.
وأتصوره في مخيلتي.
جميل الحسن وبديع
وشكله أنيق
ممشوق القوام
كأنه غصن البان.
عيونه زرق أو خضر
عادي وطبيعي
وشه كالبدر
في ليلة التمام.
مكتوب علي أعيش
الحب في الأحلام..
أكتب له كام قصيدة
بخط إيدي
منمقه بحروف من دهب
في صدر القصيدة
مطرز له أسمه
عنوان وشارع وبيت
ودار ودوار
مش فارقه عندي
تبقى مين
هي نور أو بدور
أو زهور أو وسام...
أحلم وأعيش الحلم
وأخاف من الدنيا
ونكدها لا تستكتر
علي أعيشه فيطلع
لي عفريتها في
المنام........
كابوس يفوقني
على حقيقة القهر
ال بنعيشه
وبننضرب مية صارمه
على نافوخنا
وبشرط منتألمش
ولا نقول آه.......
ووشنا بيضحك.
ومبسوطين وبنقهقه
من الفرح
وجوانا غل وظلم
وذل وحيرة العقل
من التفكير.
مشتتنا......
وكإن محكوم علينا
بالإعدام......
وإحنا فايقين.
وياريت عاجبين.
بنستسلم وراضيين
على ال كتبته الأيام.
وال يقول لك بأن
الحب موجود في
حياتنا وبنعيشه
واحد كداب.
لا عرف طعمه ولا
داقه حياة بتمشي
زي مايكون
مرة تهز لي بطولها
وألف مرة تطلع لي
لسانها وخدانا
في جوفها تمدغنا
بأسنانها كأننا منسواش
أو جيناها غلط
أو شيفانا أقزام.....
مكتوب أعشق وأحب
وأعيش الحب في
الأوهام........
9/4/2023
(ترنيمات وخواطر بقلم..........)
(شاعر العاميه/خيرى حسنى.)
ليست هناك تعليقات:
إرسال تعليق