عافر علي حلمك
عافر علي حلمك بجد
الدنيا دي مش للضعيف
الدنيا دي شئ مخيف
و لا هي أبدًا شئ ظريف
الدنيا محتاجة القوي
ما يعيش فيها غير القوي
عافر علي حلمك بجد
و أتعب عليه و أمسكه
و أصبر علي حلمك تنول
وبلاش تسلم ب المحال
أو تبعدك كلمة نصيب
ب إيديك تغير كل شئ
لو كان مع طموحك هدف
عافر عليه وأسعي تنوله
وبلاش تقف وسط الطريق
وأياك تقف وتقول ياريت
كمل وراه مهما آسيت
واياك تقول يوم تعبت
حلمك ده شئ شبه النفق
يبدأ ضلام وف آخره نور
كمل طريقك قوم و ثور
آخرة طريق الضلمه نور
واصل ف حلمك و أستمر
حتي الدوا ف بدايته مر
و أياك ف قلبك يوم تشيل
واياك ف قلبك يوم تسر
كمل ف حلمك للنهايه
كمل ف حلمك و أستمر
أياك يكون لطموحك نهايه
خلي الامل يكبر و سر
وأكيد هتوصل يوم بجد
ما دام تكمل وأنت حر
كلمات الاديب الشاعر.د/ السيد علي القن
ليست هناك تعليقات:
إرسال تعليق