قصيدة بعنوان
(علميني؟؟؟؟!)
علميني.
يا دنيا إزاي
أوفي بالوعد والعهد
علميني إزاي
إزاي أقدر أقاوم
كل الظنون..
علميني إزاي
أقدر أكون.
أحتضن حبيبي
وألملمه وأحتويه.
وإني له أبدا
ماأخون.
علميني إن أكون
إنسان كويس.
محترم راجل
إذا جيتي علي
أسد وقت المحن
وقت الشدائد
وإني ما أكسر
قواعد وضعها ربي
أو قانون.
علميني إني أحبه.
وأعشقه وأتيم
بيه حتى لو
ضددي أو ندي
علميني أحل
مشاكلي بشكل
ودي ما كنش
سلبي أو إنتهازي
أو ابتزازي
علميني بعزة نفسي
وإعتزازي
وأهز قلبي
وأزلزله لو جه
عليه علميني.
إن عيني تذرف
دموع.
وأطبطب على
طفل بيبكي
وأكون سند في
وقت عوزه
وشريان ووريد
أضخ دمي
لأولادي
هما نن عيني
رمش وجفون
وإني ما أفرق
أبدا في حياتي
إن أمد الله العمر
لي بين بنات
أو كان بنون.
علميني أكون صبور
وأتحمل حبيبي.
وأصبر عليه
وأشوفه مش بعين
بكل العيون.
علميني ومش تبقي
قاسيه أو تخلي
قلبي قاسي على
ال مني داهما
قلبي وحته
مني وروحي
وكيف تكوني
على ال دمرتيه سنين
وقهرتيه بغربه
منعانه في رف
من أرفف الزمن
له من يوم
مااتولد وخلي
قلبك حنون.
آه دنيا صعبه
قتلتي في
بغربة كل سهل
وكل صعب
وكل حب
وكل ود
وكل عطف
جربتي في
بجبروتك كل
الفنون......
علميني إني أكسر
خوفي جوا
مني وأحطم
ضعفي وأبدده
بفرحه حتى
لو بضحكه
أو بغنوه أو أي
حاجه تثلج صدري
تنعنشه وتفرفشه
وتزيح هموم كتيره
محطماني
بوضوح بدون
ضبابه أو سحابه
على قلبي
عمياه عن حقيقتي
نغمة عود
أو ناي حزين
أو دقة دف
أو حتى رنات
بعزف قانون........
أي شيئ والسلام
المهم إني أفوق.
من غيبوبه منغصاني
في ليلي وفي نهاري
وفي صبحي
وحتى أمسي
علميني يا دنيا
إزاي أكون.
10/4/2023
(ترنيمات وخواطر. بقلم...........)
(شاعر العاميه/خيرى حسنى...)
ليست هناك تعليقات:
إرسال تعليق