قصيدة بعنوان
(ال مكانه؟؟!")
ال مكانه لسه بقلبي
وال عمره ماراح يتحول.
هو مكانه لسه مكانه
من الأول.
يمكن بعض الشيئ
متغير أو تفكيره صار
يحير.
أو دنياة زادت من همه
أو متكبر أو مغرور
وأنا من عبطي عليه
بتسول.
كان له قلب ولي مواربه
يمكن قفله.
يمكن كنت في يوم
أنا ظالمه....
يمكن كنت السبب في
غمه....
علما إنني ديما حاطه
في نن العين والروح
جوا في قلبي قاعد
وأنا سايبه براحته
هو حبيبي عادي
يطول.....
قلبي مكانه وهو حنانه
صدري براح
رغم قساوته
ورغم بروده
زايد حبي له من الأول
كبرت وكبر معاي
وشعري الشيب كساه
بسرعه يمكن خصلة
بشعره إبيضت
شال الحمل
معاي من بدري
يمكن أكون السبب
في تعبه
لكني أحيطه علم
ويعرف إن هموم الدنيا
في زي الوحش
وفي إتغول.
مين هايقدر بعض
ظروفي
مين هايخاف من شدة
خوفي
مين ها يكون سبب لفرحي
مين هايطبب بإيديه جرحي
مين هايقدر يكون لي مكانه
مين يعيد لي زمانه
مين هايضحك لي بوشي
مين هايعكنن مين هاينكد
مين هايكشر مين هايحط
إيده في جيبي
مين هايشكي للناس
عيبي
مين هايفتش جوا في عجزي
مين هايبين للناس فقري
مين هايصبر معاي في
صبري..........
مين هايكون نصيبي وقدري
مين هايشتتني بتفكيري
مين هايكون سبب في تغيري
زي ماهامشي بارضو هايمشي
مهما أروح هايسلك سيري
مين هايجدد بإيديه عمري
مين هايسد ومين هايرفع
إيده للمولى ويدعي
إنه ربي من الكرب والغم
بسرعة فجأة بقدرته
وحمكته وعظمته
يغير ويحول......
ال مكانه لسه بقلبي
وال عمره ماراح
يتحول....
ال البصه في عينيها تريح
وال النور من وشها يشرح
وال العمر لو أخدته كله
بارضو إحساس بحسه
مقصر
إزاي وهي شريكة عمر
يتمد بطوله
مهما تكون ليها في قلبي
جميله.
مهما تشد تعد وتحسب
لي في غلطه
ممكن في لحظه وبسرعه
من قلبها تمحيها
وتحيله
والقلب ال بيسامح
أجمل من ال بيطبل على
غلطه ويعينها
عند ما يغلط
تفرح تزغرد
تعمل هيصه وزيطه
ولمه وترمي له بره
في عزاويله
مهما يطير ويبعد
عني عمري ما هابعد
إزاي وأنا كنت وليفه
وطيره إزاي
هاقضي الباقي
من عمري وقلبي
يدق مرة لغيره.
وإزاي وأنا بعد الشر
عليه ويديمه تاج
فوق راسي
عايش لسه بارضو
في خيره.
وال يقرأ كلامي تمهل
كلامي لي ولك ولغيرك
فبلاش تمصمص
وتعض بشفايفك
بكلامك
تتفلسف مرة تعلق
وألف ومليون مرة
تعول....
أرجع تاني
وأقول من الأول
ال مكانه لسه بقلبي
وال عمره ماراح
يتحول.....؟؟؟؟)
13/4/2023
(ترنيمات وخواطر. بقلم.........)
(شاعر العاميه/خيرى حسنى.)
ليست هناك تعليقات:
إرسال تعليق