أمسك دموعك
خايف ياقلبي من الهوي وساكن ضلوعك
كاتم في نفسك عنه ليه وحابس دموعك
سنين بتجري من زمان وناسي رجوعك
فضفض ياقلبي بقصتك وأحكي همومك
واكتب حكاية رحلتك و أنت و نصيبك
ريح ضميرك م العذاب و أمسح ألامك
العمر عدي في انتظار رجوع حبيبك
اتاريه ياقلبي في سكته نسي وجودك
كمل ياقلبي سكتك وأنسي اللي فاتك
و عيش وكمل دنيتك وأنسي عذابك
ضيعت عمرك في أنتظار رد لجوابك
وفاضلك آيه م الهوي غير عتابك
هتلومه ليه ع الفراق من غير وداعك
تفيد بأيه يا قلبي دموع عيونك
سلم خلاص بالنصيب وده نصيبك
من غير عذاب أو ألم حتي لحبيبك
كفايه محروم م اللقا تحكي شوقك
كمل جميلك ياقلبي وأمشي طريقك
أيه راح يفيدك ياقلبي غير أنكسارك
العمر ضاع و السنين حاصرة مشاعرك
وفضلت عايش ف الهموم بين مشاغلك
ونسيت في زحمة الزمن نفسك وشكلك
ونسيت معاها قصتك ونسيت حكايتك
دلوقت راجع يا قلبي تفتش في قبرك
وأنت اللي خبيت الهوي و دفنت عمرك
أرضي ياقلبي قسمتك و ارحم ف ضعفك
وأمسك دموعك والألم وأمسح ف حزنك
كلمات الاديب الشاعر.د/ السيد علي القن
ليست هناك تعليقات:
إرسال تعليق