فضفض همومك
فضفض براحتك واتكلم
خف الحمول كده عنك
ليه تخبي دمعك جوه عنيك
وتسيب دموعك تخنق فيك
فضفض براحتك وأحكي لي
آيه اللي شاغلك ياحبيبي
مشغول عليك وشاغلني هواك
والقلب داب من خوفه عليك
ليه بس خايف تحكيلي
و سايبني ليه كده أترجاك
أحكي مشاكلك وهمومك
وأناأشيل معاك كل حمولك
داأنا اللي زاد همي ونوحي
بقيت أنام مشغول بهواك
وفي حلمي دايما بناديلك
تأخدني جوه حبابي عنيك
فضفض شويه ما تخافشي
مخبي ليه انا ما اعرفشي
ده انا مهما كان قلبي عليك
ب يخاف عليك ويحايل فيك
وأثبت لك الزاي واشرحلك
و أنا اللي قلبي بيفرحلك
وياما زغرط و رقص لك
و طار من الفرحه عشانك
فضفض همومك بقي وارتاح
و أرمي حمولك ورا ضهرك
تلقي الحياه والدنيا براح
و الهم ينزاح عن قلبك
كلمات الاديب الشاعر.د/ السيد علي القن
ليست هناك تعليقات:
إرسال تعليق