مسحراتي
علي باب الله
علي باب الله انا ماشي بلف
و الرجل تدوس مطرح ماتحب
يومياتي أدور وأنادي و أقول
أصحي يا محمود وأنت مندور
أتسحر فول جبنه و خلول
وأنا مش مسؤول عن أي سحور
علي باب الله انا ماشي بلف
والرجل تدوس مطرح ماتحب
بنادي وأقول يا عب معبود
الفجر خلاص قوم صلي وتوب
وأذكر مولاك و أسجد بخشوع
و قيام رمضان صليه ع طول
علي باب الله انا ماشي بلف
من حاره لحاره وعش لعش
و لا أعرف زيف ولا أعرف غش
والقلب برئ و الحق يقش
شهر البركات شهر الرحمات
فيه النفحات فيه الزكاوات
فيه الصلوات مفروضه عليك
و صيام رمضان وعيد الفطر
علي باب الله أنا ماشي بلف
وكلي أمل ف كلمة أحسان
تشفع لي كمان عند الرحمن
وألقي العدنان ف الجنه كمان
علي باب الله انا ماشي بلف
و كلي عشم في آله رحمن
معطي وهاب من غير اسباب
تسأله يجيب وبدون عتاب
رب الألباب ملك الألقاب
تناديه يجيب بدون حجاب
في أي وقت وبدون ميعان
سبحانه قال أدعوني أستجب لكم
علي باب الله قاصد مولي
و أنا كلي أيمان بعطاه و رضاه
مين زيي ناداه وسمع شكواه
و في ليل رمضان صلي و دعاه
سبحان الله سبحان الله
الحمد له في كل آذان وأي صلاه
كلمات الاديب الشاعر السيد علي القن
ليست هناك تعليقات:
إرسال تعليق