الحكاية رقم ( 99 ) / بقلم الشاعر / زهير الرافعي

حكايات من دفتر احوال الايام

الحكاية رقم ( 99 )

من وحي حواء الساعة 12 

وقال تودري قبل ان يلفظ انفاسه الاخيرة ..

والحكاية يوم ان ناديتها .. ستي وتاج راسي 

وقلت لها في ضعف ومناجاة ..

ياستي وتاج راسي ..

اجابت في دهشة : ياه .. انا كل ده ..

عموما .. نعم ياسيدي 

قلت : لا .. الملكة لا تقول يا سيدي 

قالت : ياه .. الملكة كمان ..

قلت : ربما ست الدنيا وست الناس كلها..

هذا هو قدرك عندي ..

قالت : طب عايز تقول ايه ..

قلت : كنت اسمع اغنية لفريد الاطرش تصف حالي ..

تقول : عذاب يا دنيا العذاب .. عذاب مش كفاية عذاب 

قالت : ربنا مايجيب عذاب .. 

علي العموم اطمن .. في اغنية لفريد بتقول :

قلبي ومفتاحه دول ملك ايديك .. ومساه وصباحه بيسالني عليك ..

قلت : وفيه اغنية بتقول : ما قالي وقولتله يا عوازل فلفلوا ..

قالت ضاحكة : خلتني اضحك ..

قلت : طب بمناسبة الضحكة دي .. في اغنية لفريد بتقول ..

يا ابو ضحكة جنان مليانة حنان ..

قالت : وفيه دويتو بيقول ..

يا نور العين بدي اعرف احنا رايحين فين ..

قلت : وفيه دويتو بيقول ..

انا حاسة الدنيا فرحانة انتي عارفة ليه ..

قالت : خايفة اسال ..

قلت : فيه اغنية لعبد الحليم بتقول .. 

حرام نسكت علي قلوبنا .. حرام الخوف يدوبنا ..

قالت : حاسة ان الحب ده كتير عليا ..

قلت : علشان احنا مع بعضينا ولاول مرة لوحدينا ..

قالت : اذا هذه ليلتي ..

قلت : فاطلبي ماشئت .. فهناك اغنية تقول ..

لو تطلب البحر في عينيك .. اسكبه ..

او تطلب الشمس فس كفيك ارميها ..

قالت : انت تحلم ..

قلت : وساظل كذلك .. 

اما ان يتحقق الحلم .. واما ان اموت 

ومن يومها وهو من نوم الي نوم ..

يبكيها في رقاده وفي يقظته ..

يخبرنا في حسرة .. اما هي ,, واما ان لا اكون ..

والي هنا تركناه .. ولم نكن ندري ..

ان تودري مات .............

زهير الرافعي