قمر العراق
تعال ترى القمر بلاك ما يسوى
حتى حروف العشق ليك تشتاق
حضنك دافى تجّمع بيه الدوى
يناديني يقول قلبي ليك مشتاق
لو شفتك زرع من دمعتك ما تروى
لو أنت حكاية ما تملها العشاق
ع خدك أكون حبة خال وإنّتسى
شمس عيونك ترى شعاعها حراق
خصرٍ بيه تدويرٍ وأسرارٍ احتوى
ميلان خصرك تقلب حُكم الأسواق
عطرك أحبه ويعشق يشمه الهوى
حتى هدموك ما يشغلها إلا الفراق
نظرتك المكسورة تخلي الغرام أنشوى
وتبعثر بالروح جيشٍ من الأشواق
أشوفك وأحس بشي داخلي استوى
تكثر بيّ الجروح وبسمتك الترياق
اسأل ليه جمالك ابد ما يلتقى
أو عقلي بخياله نط عن النطاق
لو يدرون يغسلونك بحبات الندى
والورد يقول يا زين بنت العراق
هلال جلامنة
ليست هناك تعليقات:
إرسال تعليق